«Santa-Barbara» ŭ vioscy Vałodźkava: kali Julija Buka nabyła vosiem chataŭ pad Hłybokim, navat nie ŭjaŭlała, što z hetaha vyjdzie... 57

Vy dumajecie, žyćcio na vioscy sumnaje i adnastajnaje? A dzie tam! Pražyŭšy dva dni ŭ vioscy Vałodźkava ŭ ahrasiadzibie Julii Buki, my pierakanalisia ŭ advarotnym.

I niachaj u jaje niama internetu — častyja hości zamianiajuć navinovyja sajty. Za 2012 hod u Juli było bolš za tysiaču naviedvalnikaŭ. A zamiest «cholivaraŭ» ŭ sacsietkach — sprečki ź miascovymi žycharami, čyjo niekali raźmierana-supakojnaje žyćcio choćki-niachoćki skałychnuli «klijenty hetaj beneefaŭki»…

Sumavać Juli niama kali: dzień raśpisany amal pa chvilinach. Ahledziecca pa haspadarcy, zvaryć ježu, padrychtavać chatu dla haściej. Niadaŭna ŭ adnoj z chataŭ ahrasiadziby pasialilisia piać niezvyčajnych pastajałak, starych babulek — Klonia (heta značyć, Kleapatra), Uršula, Safija dy dźvie Maryi. Štodnia jana hatuje im ježu i prynosić ŭ košyku.

Karaciej, sucelnaja «santa-barbara». A hałoŭnaja hierainia — Jula Buka. Mocnaja. Ščyraja. «Svaja». Adna, biez muža, haduje dvuch niepaŭnaletnich dziaciej i trymaje vosiem viaskovych chataŭ. Zrešty, lepiej adzin raz pabačyć.

Daviedka NN:

Košt pražyvańnia ŭ ahrasiadzibie «Rodny kut» — 40 tysiač rubloŭ za sutki z čałavieka (biez charčavańnia). Biełaruskamoŭnym — źnižka 20%. Dla hrupaŭ taksama praduhledžany źnižki.

Adras siadziby: Viciebskaja vobłaść, Hłybocki rajon, v. Vałodźkava.

Telefon: (8 029) 715-46-21 (Julija Buka)

0

0

0

0

0

0

Aksana Rudovič, Taćciana Haŭrylčyk

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH