Ad pasiołka Niuchča Biełamorskaha rajona try žančyny z hrupy biełaruskich turystaŭ pajšli źbirać jahady i nie viarnulisia.
Jak paviedamlaje pres‑słužba Paŭnočna‑Zachodniaha rehijanalnaha centra Ministerstva nadzvyčajnych situacyj Rasii, hrupa turystaŭ z 11 biełaruskich hramadzian u pošukava‑vyratavalnaj słužbie nie rehistravałasia, maršrut rucha nie ŭzhadniaŭsia.
27 lipienia pa zajaŭcy turystaŭ viertalot Mi‑8 Paŭnočna‑Zachodniaj avijabazy achovy lasoŭ zrabiŭ ablot kvadrata, jaki paznačyli biełarusy. Nastupnym dniom ła pošuka byli pryciahnuty try hrupy pašukavikoŭ‑vyratavalnikaŭ MNS Rasii ŭ składzie 10 čałaviek i 4 miascovych žycharoŭ.
29 lipienia ŭ Niuchču dadatkova nakiravali 4 čałavieki z MNS, viertalot Mi‑8 i 4 čałavieki z avijadesantnaj hrupy Paŭnočna‑Zachodniaj bazy achovy lasoŭ, apieratyŭnaja hrupa Hałoŭnaha ŭpraŭleńnia MNS pa Respublicy Karelija. U Biełamorsku stvorany apieratyŭny štab. Pošuk praciahvajecca.
