Biełaruś nie maje namieru admaŭlacca ad pryzyŭnoj armii. Pra heta siońnia napres-kanfierencyi paviedamiŭ ministr abarony Juryj Žadobin.
«My nikoli nie admovimsia ad pryzyŭnoj armii. Abaranić svaju dziaržavu moža tolki narod, a kab narod nie staŭ harmatnym miasam, jon pavinien być hatovy da abarony svajoj ziamli»,— zajaviŭ ministr. Jon padkreśliŭ, što Biełaruś rychtujecca tolki abaraniać svaju ziamlu, svaju niezaležnaść i kanstytucyjny ład. «My ni da kaho nie majem terytaryjalnych pretenzij», — skazaŭ ministr.
Jon rastłumačyŭ, što i dalej budzie praktykavacca źmiašany vyhlad kamplektavańnia armii — pryzyŭnoj i kantraktnaj.Dla hetaha ažyćciaŭlajucca pryzyvy na terminovuju słužbu, navučańnie ŭ vajennych navučalnych ustanovach, na vajennych kafiedrach u VNU. Viadziecca płanamiernaja praca z reziervistami. «Hod ad hoda my ŭdaskanalvajem sposaby navučańnia, u suviazi z tym, što ŭvieś čas źmianiajucca realii, i treba być zaŭsiody hatovym da realnaj abstanoŭki», — adznačyŭ Juryj Žadobin.
0
0
0
0
0
0
