27‑29 lipienia ŭ vioscy Cierabień Pinskaha rajonu adbyvaŭsia moładziovy letnik. U letniku ŭziali ŭdzieł aktyvisty z Drahičynu, Biarozy, Łunincu, Stolina, Pinsku (Bieraściejskaja vobł.), Miensku i Łucku (Ukraina). Letnik pryśviačaŭsia Dniu Niezaležnaści RB, a taksama 192‑im uhodkam demakrata, revalucyjaniera, stvaralnika Demakratyčnaha Tavarystva Franca Saviča (1815‑1845), jaki naradziŭsia na Pinščynie. Na praciahu letnika adbyvalisia kulturna‑aśvietnickija mierapryjemsty: sprečki ab žyćci Biełarusi, ab historyi i inš.
Udzieł u letniku brali pinskija siabry moładzi BNF, siabry Partyi BNF, AHP, BSDP «Narodnaja Hramada», aktyvisty «Ruchu «Za Svabodu», siabra «Maładoha Frontu». Zavitaŭ na letnik taksama staršynia Rady moładzi BNF Aleś Kalita, jaki prybyŭ u Pinsk jašče 26 lipienia i paznajomiŭsia z abstavinami i dziejnaściu pinskaj supołki moładzi BNF.
27 lipienia ŭviečary aficyjna byŭ adkryty letnik. Miesca adpačynku znachodziłasia ŭ 25 kilametrach ad Pinsku, kudy ŭdzielniki prypłyli na ciepłachodzie.
28 lipienia ŭ Cierabień prybyli pradstaŭniki Ŭkrainy. U toj ža dzień adbylisia kulturnicka‑aśvietnickija i spartovyja mierapryjemstvy. Staršynia Pinskaj supołki moładzi BNF Źmicier Kisiel paznajomiŭ udzielnikaŭ letniku z historyjaj Pinsku i tradycyjami Pinskaha Paleśsia. Adbylisia palityčnyja debaty na temu «Što lepiej dla Biełarusi: prezydent ci parlament?». Kožny žadajučy prajaviŭ svaju palityčnuju padrychtoŭku i aratarski talent.
29 lipienia da letniku dałučyŭsia muzyčny hurt «Klič», jaki śpiavaŭ tradycyjnyja pieśni Paleśsia.
