Były namieśnik kiraŭnika spravami Łukašenki Anatol Dazoraŭ sprabavaŭ pakončyć z žyćciom.
Syn aryštavanaha dyrektara sanatoryja «Biełaruś» paćvierdziŭ infarmacyju pra toje, što były namieśnik kiraŭnika spravami Łukašenki ŭskryŭ vieny prama ŭ kabiniecie.
Dyrektar sanatoryja «Biełaruś» u Sočy Hieorhij Sarakašyš zastajecca ŭ SIZA KDB u Miensku. Svajaki mohuć pra jaho niešta daviedacca tolki praz advakata.
Spatkańniaŭ, listoŭ abo kantaktaŭ ź im pa telefonie nie było z momantu zatrymańnia 21 śniežnia minułaha hoda.
Syn Hieorhija Sarakašyša Kanstancin śćviardžaje, što baćka ni ŭ čym nie vinavaty:
«Ništo nie ssunie situacyju ź miortvaj kropki, pakul Łukašenku nie skažuć, što ŭsio było ŭ paradku, tut budoŭla išła vydatna, z apiaredžańniem. Časam hrošy jašče nie byli vypłačanyja, a ŭžo było pabudavana. Bo asnoŭnaja meta ŭ baćki — usio heta zaviaršyć da leta, da Alimpijady, kab usie kompleksy byli ŭ bajavoj hatoŭnaści. Usio da hetaha išło, i tak by jano i było. A tut prychodzić novy dyrektar, jaki pačynaje hubić sanatoryj. U vyniku ŭžo skardziacca ludzi, adpačyvalniki».
Pa słovach Kanstancina, baćka rabiŭ toje, čaho chacieli, pra što prasili i što zahadvali rabić jaho načalniki z upraŭleńnia spravami Łukašenki.
«Chacieli pabudavać kompleks u Palanie — jon jaho budavaŭ. Chacieli, kab jon kiravaŭ pansijanatam „Marskaja zorka“, — jon im kiravaŭ. Chacieli, kab jon kiravaŭ sanatoryjem „Biełaruś“ i „Čyrvonaj palanaj“, — jon kiravaŭ. Jany chacieli, kab jon im budavaŭ, — jon im budavaŭ. Usio heta čort viedaje što prosta. Upraŭleńnie spravami paprasiła hrošaj na budoŭlu, i im dali.
Ale budoŭla ŭ Sočy apošnija hady — durdom. Atrymałasia, što spačatku jany paprasili mała hrošaj. Budaŭničyja firmy nie mohuć u ciapierašnich realijach budavać u Sočy za tyja hrošy, jakija byli pieršapačatkova zapatrabavanyja. A kali pryjšli prasić jašče hrošaj, im skazali, što ich niama, šukajcie dzie chočacie.
Vyrašyli śpisać na baćku — maŭlaŭ, jon skraŭ, tamu hrošaj i niama. A nie tamu, što kiraŭnik spravami niekalki razoŭ pieradumvaŭ padčas budaŭnictva: uzvodzicca abjekt, prychodziać i kažuć, što nie spadabaŭsia, naprykład, choł — pierarabić. A toje, što heta vylivajecca ŭ dadatkovyja straty, pra heta niešta nichto nie dumaŭ. I baćka ŭsio heta rabiŭ. Jon uvieś svoj čas i zdaroŭje pakłaŭ na toje, kab heta ŭsio było. Dazoraŭ ža ŭskryŭ sabie vieny. Ad čaho heta robiać ludzi? Ad taho, što spałochalisia. I ŭ vyniku vyrašyli ŭsio paviesić na baćku. Ciapier sanatoryj hety ściahnuć, bo kiraŭniki, jakija pryjechali ciapier im kiravać, naŭrad ci spraviacca z tym abjomam. Za 30 hadoŭ dobra zrabić heta moh tolki baćka, i ŭ vyniku staŭ chłopčykam dla bićcia».
Žonka źniavolenaha ŭ SIZA KDB Łoła Sarakašyš kaža, što pra zatrymańnie muža 21 śniežnia minułaha hoda joj paviedamili pa telefonie, paśla taho jak muž pryjechaŭ u Miensk u kamandziroŭku.Razam ź im zatrymali namieśnika Alaksandra Kizima i padradčyka budaŭničaj arhanizacyi:
— I ciapier cišynia, niama nijakaj infarmacyi. Spatkańniaŭ nie dajuć, i zvankoŭ taksama. Źbirajusia napisać pieršy list, nie viedaju, jak dojdzie. Ja navat nie viedaju, što jamu inkryminujuć. Tam niejkija varjackija sumy nazyvajucca. Prosta kašmar. Nakolki ja viedaju, śledčyja navat nie prychodziać da jaho. Pa 6–7 hadzin dopyty vialisia. Pytajucca pra adno i toje ž. Viedaju, što da pajezdki muža ŭ Miensk namieśnik Korbuta čamuści parezaŭ sabie vieny. Nu z čaho heta raptam? Potym Korbut raptam ni z puščy ni z pola piša zajavu na zvalnieńnie.
— A što tam za budoŭli, vakoł jakich razharnułasia ŭsia hetaja historyja?
— Upraŭleńnie spravami zakazvała budaŭnictva — pabudavać novyja kompleksy, novyja katedžy, palepšyć terytoryju sanatoryja. Muž vybiŭ im na Palanie vydatny abjekt.Budavaŭ naohuł z nula. Jon žyŭ hetaj pracaj, jon chadziŭ pa hetaj terytoryi, travu vyčyščać, rabiŭ abrezku svaimi rukami. Lepšaha sanatoryja ŭ horadzie niama. Jon ža pracuje z
U abaviazki muža ŭvachodziła zaŭsiody sustreć, zabiaśpiečyć usim nieabchodnym kiraŭnika Biełarusi Alaksandra Łukašenku, kali toj pryjazdžaŭ u Sočy:
— I achovaj, i biaśpiekaj, i kartežam, pravieści, sustreć, pryniać. Usio było biez prablem. A tut zusim niezrazumieła što. Moža, chto ad siabie na jaho strełki pieravioŭ. Voś niachaj pryjduć u kvateru i ŭbačać, čym my vałodajem. Navat ramontu tut u nas niama. Chtości zojdzie, skaža — heta tak dyrektar žyvie? Nie pavierać. Akramia dvuchpakajovaj kvatery płoščaj 53 kvadratnych mietra, u nas ničoha niama.
Hramadzianin Rasiei Hieorhij Sarakašyš, jaki byŭ zatrymany biełaruskimi śpiecsłužbami, padazrajecca ŭ kradziažy šlacham złoŭžyvańnia słužbovymi paŭnamoctvami.Anałahičny artykuł Kryminalnaha kodeksa pahražaje i jaho namieśniku, biełarusu Alaksandru Kizimu, jaki taksama zastajecca pad vartaj. Novym dyrektaram sanatoryja «Biełaruś» pryznačany Uładzimir Ryžankoŭ, jaki kiravaŭ departamientam humanitarnaj dziejnaści va Upraŭleńni spravami prezidenta, byŭ načalnikam miedycynskaha ŭpraŭleńnia kompleksu
Były pieršy namieśnik kiraŭnika spravami prezidenta Anatol Dazoraŭ byŭ zvolnieny jašče ŭ pačatku hoda. Potym syšoŭ u adstaŭku i kiraŭnik spravami prezidenta Mikałaj Korbut. Na jaho miesca pryznačany Viktar Šejman. Raniej užo źjaŭlałasia infarmacyja pra toje, što jon sprabavaŭ pakončyć z saboj prama ŭ pracoŭnym kabiniecie.
