Akcyja salidarnaści prajšła ŭ centry polskaj stalicy ŭviečary 8 sakavika. Jana adbyłasia ŭ ludnym miescy Varšavy — kala kaścioła Śviatoj Hanny na Krakaŭskim pradmieści.
U akcyi ŭziali ŭdzieł lidar «Jeŭrapiejskaj Biełarusi» Andrej Sańnikaŭ, žonki biełaruskich palitviaźniaŭ Maryna Adamovič i Anastasija Daškievič, deputat Jeŭraparłamienta Marek Mihalski, kaardynatar «Jeŭrapiejskaj Biełarusi» Źmicier Bandarenka, hałoŭny redaktar sajta charter97.org Natalla Radzina i inšyja.
Udzielniki mierapryjemstva trymali biełaruskija nacyjanalnyja ściahi, a taksama partrety Źmitra Daškieviča i Mikałaja Statkieviča. Jany patrabavali vyzvaleńnia ŭsich 13 biełaruskich palityčnych viaźniaŭ.
Arhanizataram akcyi vystupiŭ ofis deputata Jeŭraparłamienta Mareka Mihalskaha.