Zorka savieckaj estrady 60-80-ch hadoŭ minułaha stahodździa narodnaja artystka Rasii Maryja Pachomienka pamierła ŭ adnoj z balnic Sankt-Pieciarburha. Praz dva tydni joj spoŭniłasia b 76 hadoŭ.
Jana naradziłasia 25 sakavika 1937 h. u v. Lutnia Krasnapolskaha rajona Mahiloŭskaj vobłaści.
Maryja Pachomienka dała darohu mnohim tvoram svajho muža — kampazitara Alaksandra Kołkiera. Asabliva viadomymi stali ŭ jaje vykanańni pieśni «Słaniečniki», «Sałodkaja jahada», «Nienahladny moj», «Kachańnie zastaniecca», «Cuda-koni», «Stajać dziaŭčaty». Jana ŭdychnuła novaje žyćcio ŭ takija tvory piesiennaj kłasiki, jak «Matroskija nočy» Vasila Sałaŭjova-Siadoha, «Školny vals» Isaka Dunajeŭskaha. Śpiavačcy daviarali pieršaje vykanańnie svaich tvoraŭ Valeryj Haŭrylin, Eduard Kałmanovski, Alaksandra Pachmutava, David Tuchmanaŭ, Jan Frenkiel.
Maryja Pachomienka źjaŭlajecca łaŭreatam mižnarodnaha konkursu «Midem» (1968 hod, Kany, Francyja), atrymała Hran-pry konkursu «Załaty Arfiej» u Bałharyi ŭ 1971 hodzie. Śpiavačka zapisała 10 dyskaŭ-hihantaŭ i źniałasia na telebačańni ŭ šaści muzyčnych filmach, viała telepieradaču «Zaprašaje Maryja Pachomienka».
