Žychar Bieraściejščyny asudžany za arhanizacyju kanału pierapraŭki nielehałaŭ u Polšču 1

U Breście siońnia vyniesieny prysud adnamu z arhanizataraŭ kanała pierapraŭki ŭ Polšču nielehalnych mihrantaŭ. Ab hetym paviedamiŭ načalnik pres-słužby Bresckaj pamiežnaj hrupy im. F. Dziaržynskaha Alaksandr Kisłoŭ.

29-hadovy žychar Bresckaha rajona pryznany vinavatym u arhanizacyi niezakonnaha ŭjezdu na terytoryju Biełarusi, vyjezdu z krainy zamiežnych hramadzian pa papiaredniaj zmovie.

Jaho dziejańni kvalifikavanyja pa č. 2 art 371–1 KK, na padstavie jakoj

jamu pryznačana pakarańnie ŭ vyhladzie čatyroch hadoŭ pazbaŭleńnia voli z kanfiskacyjaj usioj majomaści, jakaja naležyć jamu, i z adbyćciom pakarańnia ŭ papraŭčaj kałonii va ŭmovach uzmocnienaha režymu.

Prysud moža być abskardžany ŭ kasacyjnym paradku.

Fakt sproby niezakonnaha pierachodu ź Biełarusi na terytoryju Polščy 8 hramadzianami Indyi, bresckija pamiežniki spynili 15 maja 2012 hoda.

Zamiežnikaŭ zatrymali padčas pieraadoleńnia sihnalizacyjnaha kompleksu pa kanatnaj darozie. Pry hetym byli zatrymanyja i ich pamahatyja z abodvuch bakoŭ. Praź niekatory čas znajšli arhanizataraŭ kanała pierapraŭki nielehalnych mihrantaŭ. Imi vyjavilisia dvoje hramadzian Biełarusi — žychary Bresta i Bresckaha rajona. Adzin ź ich, jakomu siońnia vyniesieny prysud, byŭ zatrymany pravaachoŭnymi orhanami praz dva miesiacy paśla incydentu na miažy. Druhi — bieraściejec — pakul zastajecca ŭ vyšuku.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH