Sad
U sakaviku samy čas ahledzieć sad: apracavać abpalenyja soncam učastki kary, abrezać chvoryja i ssochłyja haliny.
Miescy soniečnych apiokaŭ i marazabojnyja treščy apracoŭvajuć nastupnym čynam. Paškodžanyja ŭčastki kary vydalajucca da zdarovaj tkanki. Ačyščanaje miesca apracoŭvajecca kuparvasam (1%-nym rastvoram miednaha kuparvasu abo 5%-nym rastvoram žaleznaha kuparvasu) i zamazvajecca sadovym varam.
Aptymalnaja para dla pabiełki stvałoŭ drevaŭ — kaniec vosieni, jak varyjant, možna zrabić heta u lutym. Mienavita ŭ druhoj pałovie lutaha sadovyja drevy atrymlivajuć samyja mocnyja soniečnyja apioki.
Da nabuchańnia pupyšak pravodzicca abrezka sadovych drevaŭ. Zrazajucca vaŭčki, suchija i chvoryja haliny, aśviatlajecca krona.
Stvały drevaŭ varta pačyścić mietaličnaj ščotkaj — pad ssochłymi frahmientami kary zimujuć škodniki, tam ža zachoŭvajucca spory chvarobatvornych hryboŭ. Pierad hetym vakoł stava treba pakłaści pościłku. Zrezanyja suchija i chvoryja haliny i kavałki kary treba źniščyć.
Harod
U sakaviku vysiejvajuć na rasadu nasieńnie pamidoraŭ, kapusty i cybuli-parej.
U kancy miesiaca možna pačynać zakładvać rańniuju bulbu na praroščvańnie. Idealny varyjant — praroščvańnie na volnym pavietry. Kali ž nadvorje nie dazvalaje vynieści nasienku na vulicu, rassypcie jaje ŭ aśvietlenym pamiaškańni.
Kab nasienka prarasła chutčej i paradavała vas vialikim uradžajem, apracujcie jaje sumieśsiu srodkaŭ ad uzbudžalnikaŭ chvarobaŭ i mikraelemientaŭ (bor, mahnij, cynk). Možna taksama pasypać nasieńnie draŭnianym popiełam i miednym kuparvasam.
Dzie nabyć nasienku — čytajcie tut.
Kvietnik
Vopytnyja kvietkavody rajać u siaredzinie sakavika pačynać vyroščvać viarhini, hładyjołusy, biahonii, a naprykancy miesiaca bracca za pasieŭ astraŭ, aksamitak, nasturak.
Paśla źjaŭleńnia ŭschodaŭ jomistaści ź siejancami varta pieranieści na padvakońni.
