Makiej pravioŭ pieramovy z palityčnym dyrektaram MZS Łatvii 1

Ministr zamiežnych spraŭ Biełarusi Uładzimir Makiej 14 sakavika pryniaŭ namieśnika dziaržsakratara — palityčnaha dyrektara MZS Łatvii Andrejsa Piłdehovičsa, jaki znachodzicca z rabočym vizitam u Minsku. Pra heta paviedamiła pres-słužba biełaruskaha źniešniepalityčnaha viedamstva.

Adbylisia taksama pieramovy łatvijskaha dypłamata z namieśnikam ministra zamiežnych spraŭ Biełarusi Alenaj Kupčynoj.

Pavodle infarmacyi MZS, padčas sustreč, u jakich udzielničaŭ pasoł Łatvii ŭ Biełarusi Michaił Papkoŭs, byli abmierkavany aktualnyja pytańni i pierśpiektyvy ŭzajemadziejańnia pamiž Biełaruśsiu i Łatvijaj, u tym liku ŭ palityčnaj i handlova-ekanamičnaj śfierach, u halinie ŭdaskanalvańnia dahavorna-pravavoj bazy.

«Paćvierdžana ŭzajemnaja zacikaŭlenaść u zachavańni pazityŭnaj dynamiki dvuchbakovych kantaktaŭ pa asnoŭnych kirunkach supracoŭnictva. Dasiahnuty damoŭlenaści pa tematycy dalejšaha raźvićcia dyjałohu pamiž MZS», — paviedamlaje pres-słužba.

Baki taksama zakranuli pytańni, jakija tyčacca ŭzajemadziejańnia pa linii Biełaruś — ES, u tym liku va Uschodnim partniorstvie.

0

0

0

0

0

0

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH