20 mašyn sutyknulisia na darozie Minsk — Dziaržynsk

Kala 20 mašyn sutyknulisia na aŭtadarozie Minsk — Dziaržynsk, jość paciarpiełyja.

Surjoznaje DTZ adbyłosia ŭ Dziaržynskim rajonie na 32-m km aŭtadarohi R1 (Minsk — Dziaržynsk). «Pryčynaj DTZ pasłužyła nieaściarožnaść kiroŭcaŭ i niapravilny vybar chutkaści transpartnych srodkaŭ u ciažkich umovach nadvorja. Utvaryŭsia zator. Na miescy zdareńnia pracuje DAI, uchilajucca nastupstvy DTZ», — adznačyli ŭ Dziaržaŭtainśpiekcyi.

Stanovišča na darohach značna ŭskładniaje mocny śniehapad i zavirucha, vyklikanyja mahutnym cykłonam, što pryjšoŭ u Biełaruś. Pavodle apieratyŭnych danych, u hetuju chvilinu tolki kala Minska zarehistravana i afarmlajecca bolš za dziesiać darožna-transpartnych zdareńniaŭ.

Składanyja ŭmovy nadvorja zachavajucca i ŭ bližejšyja vychodnyja. DAI Minskaj vobłaści nastojliva rekamienduje aŭtaŭładalnikam, asabliva siońnia, napiaredadni vychodnych, adkłaści zapłanavanyja pajezdki i nie padviarhać svajo žyćcio i žyćcio blizkich niebiaśpiecy.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH