 |
Pavodle vydańnia, «błytanina vyjšła daskanałaja». «Adnak, — supakojvaje čytačoŭ «Wirtschaftsblatt», — nasamreč viadomy biznesoviec Kovač da ŭhody na 5,3 miljona eŭra (stolki kaštavała kupla mienskaha pradpryjemstva) nia maje nijakaha dačynieńnia».
Razmova idzie pra kudy bolš ścipłaje aŭstryjska‑rasiejskaje handlovaje tavarystva «ATEC» (österreichisch‑russische Atec Handelsgesellschaft). Kiraŭnik hetaj firmy Alaksandar Muraŭjoŭ, jak i inšyja jaje zasnavalniki, maje rasiejskaje pachodžańnie. Muraŭjoŭ z kalehami zarehistravali pradpryjemstva ŭ 1992 hodzie ŭ Rasiei, adnak u 2000‑m pierabralisia ŭ Aŭstryju, piša «Wirtschaftsblatt».
Jak paviedamiŭ vydańniu Alaksandar Muraŭjoŭ, pradpryjemstva zarehistravali ŭ Astryi, «kab mieć dadatkovy dostup dla finansavańnia z boku aŭstryjskich i zamiežnych partneraŭ».
Ciapier «ATIES» maje svoj biznes nia tolki ŭ Rasiei, ale j va Ŭkrainie i Polščy. Pavodle «Wirtschaftsblatt», vialikija sympatyi Alaksandar Muraŭjoŭ maje j da Biełarusi. Tam jamu naležyć bolšaja častka akcyjaŭ u sumiesnym biełaruska‑aŭstryjskim zakrytym tavarystvie «Škłozavod Jalizava». Da 2009 hodu «ATEC» pabuduje pad Smalavičami fabryku listavoha škła, piša «Wirtschaftsblatt».
Rekvizyty kampanii źmieščanyja na infarmacyjna ścipłym sajcie. Na staroncy paznačany paštovy adras firmy (Parkring 10, A1010 Wien), kantaktny telefon i faks, adnak niama elektronnaha adrasu.
