«Žyvie Biełaruś» — Źmicier Vajciuškievič prezientavaŭ novuju pieśniu da Dnia Voli 4
I zaklikaje ŭsich achvotnych zrabić dla jaje videašerah.
Na kancercie na siadzibie BNF, prymierkavanym da 95-hodździa BNR, Źmicier Vajciuškievič prezientavaŭ novuju pieśniu na vierš Uładzimira Niaklajeva.
«Jana napisana admysłova da śviata — 95-hodździa BNR, kab padtrymać śviatočny duch. — kaža muzyka. — I „Žyvie Biełaruś“ heta nasamreč pryhožyja słovy. Mnie b vielmi chaciełasia, kab artysty pisali takija pieśni, uzhadvali hetyja słovy nie tolki pierad vybarami. Chaciełasia b, kab i da Dnia Voli muzyki pisali pieśni ŭ roznych žanrach, śpiecyjalna dla śviata — heta naturalna dla kožnaha, chto naradziŭsia i žyvie ŭ Biełarusi».
Źmicier Vajciuškievič prapanuje ŭsim achvotnym zrabić videašerah da novaj pieśni.
«Ale nie chaciełasia b, kab u videa była kroŭ», — adznačaje Vajciuškievič.
