U matčy ŭ adkaz druhoha kvalifikacyjnaha raŭndu Lihi čempijonaŭ pamiž barysaŭskim BATE i iślandzkim «Chafnafjurdzieram» zaŭziatary nia ŭbačyli pryhožy futboł. Nahadajem, što tydzień tamu ŭ Iślandyi BATE pieramoh ź likam 3:1. Kab vikinham prajści ŭ nastupny raŭnd, im treba było zabivać try biezadkaznyja hały.
Nie atrymałasia. Zabili iślandcy zabili tolki adzin hoł, prapuścili stolki ž. Na 33‑iaj chvilinie hulni hoł z penalci, paśla parušeńnia Anry Chahuša ŭ štrafnoj, zabiŭ Hudmandsan. Zakančeńnie pieršaha tajmu adznačyłasia hrubaj hulnioj futbalistaŭ. Z pola byli vydalenyja hulcy abiedźviuch kamand — Radzivonaŭ (BATE) i Chiełhasan («Chafnafjordziur»).
U druhim tajmie asabliva ničoha admietnaha na poli nie adbyvałasia. Tolki ŭžo na treciaj dadanaj chvilinie hoł hałavoj zabiŭ Dźmitry Płatonaŭ, jakomu asystavaŭ jaho brat Pavał — 1:1.
BATE prajšoŭ u treci kvalifikacyjny raŭnd Lihi čempijonaŭ. U suverennaj historyi biełaruskaha futbołu nivodzin ajčynny klub nie dachodziŭ da hetaj stadyi. Supiernik barysaŭcaŭ vyznačyŭsia siońnia ŭviečary. Heta rumynski «Ściaŭa», što i ŭ Buchareście akazaŭsia macniejšym, čym polski «Zahlembie»- 2:1. U pieršym matčy taksama pieramahli rumyny (1:0).
