Andrej Zababura ŭ sudzie 11 lutaha 2013 h.
Minčuk Andrej Zababura, jaki zadaviŭ treciakłaśnika Uładzisłava Hrudźjeva kala minskaj SŠ № 23 u listapadzie minułaha hoda, pryznaŭ svaju vinu. Pra heta zajaviła jaho advakat na pasiadžeńni kalehii pa kryminalnych spravach Minskaha haradskoha suda, dzie 29 sakavika razhladajecca kasacyjnaja skarha Zababury. Samoha asudžanaha ŭ zale suda niama.
Pa prośbie svajakoŭ Zababury, a taksama jaho advakata i siamji zahinułaha chłopčyka, žurnalistaŭ u zale suda niama. Pra ŭsio, što adbyvajecca na pasiadžeńni kalehii, pradstaŭnikam ŚMI raspaviała advakat boku paciarpiełych Ksienija Kobasa.
Pavodle jaje słoŭ, advakat Zababury paprasiła sudździu pryznačyć svajmu padabaronnamu pakarańnie, nie źviazanaje z pazbaŭleńniem voli. Paciarpieły bok nie piarečyć.
Varta adznačyć, što ŭ sudzie pieršaj instancyi Andrej Zababura, asudžany na čatyry hady śpiecyjalnaj kałonii-pasialeńnia, svaju vinu admaŭlaŭ.
12:42
U vyniku Minski haradski sud siońnia nie zadavoliŭ kasacyjnuju skarhu i pakinuŭ prysud kiroŭcu,paviedamlaje BiełTA.
0
0
0
0
0
0
