Biełaruś zrabiła čarhovy płaciež MVF

Biełaruś ažyćciaviła čaćviortaje ŭ 2013 hodzie pahašeńnie asnoŭnaha doŭhu pa kredycie MVF.

«1 krasavika 2013 hoda Respublika Biełaruś u metach vykanańnia svaich abaviazacielstvaŭ pa kredycie stend-baj MVF ažyćciaviła čarhovaje pahašeńnie asnoŭnaha doŭhu ŭ pamiery 54,7 młn. SDR, što ekvivalentna 82 młn. dołaraŭ ZŠA», — havorycca ŭ paviedamleńni Ministerstva finansaŭ.

Heta čaćviorty płaciež pa kredycie MVF z pačatku hetaha hoda.

Tak, 14 studzienia Biełaruś vypłaciła 99 młn. dołaraŭ, 23 studzienia — 84,1 młn., 22 sakavika — 82,2 młn. U cełym u 2013 hodzie Biełaruś pavinna viarnuć MVF 1,63 młrd. dołaraŭ.

Jak vynikaje z hrafika płaciažoŭ, apublikavanaha na aficyjnym sajcie MVF, najbolšyja vypłaty ŭ 2013 hodzie prypaduć na krasavik, červień i kastryčnik: u hetyja miesiacy Biełaruś pavinna vypłacić pa 175 młn. SDR (kala 270 młn. dołaraŭ pa najaŭnym kursie).

Piać tranšaŭ kredytu ŭ miežach prahramy stend-baj na 3,46 młrd. dołaraŭ Biełaruś atrymała ad MVF u 2009–2010 hadach.

Asnoŭny pik vypłat prypadzie na 2013–2014 hady, kali Biełarusi daviadziecca viarnuć bolšuju častku pazyki.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH