 |
Instytut słavistyčnych j uschodnieeŭrapiejskich viedaŭ filazofskaha fakultetu Karłava ŭniversytetu ŭvodzić kurs biełaruskaj movy. Ź inicyjatyvaj uviadzieńnia kursu biełaruščyny vystupili sami studenty:
«Biełaruskaja mova, biez sumnievaŭ, jość kulturnaju spadčynaj Eŭropy. Heta skarb, dadzieny Vialikim kniastvam Litoŭskim, skarb z svaimi asablivaściami, staražytnaściu j čyścinioj, jaki zajmaje pačesnaje miesca ŭ siamji słavianskich movaŭ i jaki na siońniašni dzień, na žal, znachodzicca pad vialikaj pahrozaj».
I voś ad kiraŭnictva pryjšła dobraja navina: ad novaha akademičnaha hodu budzie ŭviedzieny dvuchsemestravy kurs biełaruskaj movy dla pačatkoŭcaŭ pad kiraŭnictvam doktara Jurasia Bušlakova.
Dekan filazofskaha fakultetu doktar Michał Stehlik (Michal Stehlík) u aficyjnym liście z hetaj nahody vykazaŭ spadiazvańnie, što vyvučeńnie biełaruskaj movy stanie krokam na šlachu ŭzajemarazumieńnia j bolš ciesnych stasunkaŭ z usimi luźmi demakratyčnych pohladaŭ na Biełarusi.
Fota Slimejs cs.wikipedia
