Pra heta paviedamiła presavaja słužba ŭkrainskaha kiraŭnika dziaržavy.
Admirał Ježal ad 20 žniŭnia 2001-ha da 25 krasavika 2003 hoda byŭ hałoŭnakamandujučym Vajenna-marskimi siłami Uzbrojenych sił Ukrainy, 6 kastryčnika 2003 hoda byŭ zvolnieny z vajskovaj słužby ŭ zapas pa stanie zdaroŭja.
Post kiraŭnika Minabarony Ukrainy Ježel zajmaŭ ad 11 sakavika 2010-ha da 8 lutaha 2012 hoda.
Papiaredni ambasadar Ukrainy ŭ Minsku Viktar Cichanaŭ u 2012 hodzie byŭ abrany deputatam Viarchoŭnaj Rady ad Partyi rehijonaŭ. Paŭhoda ŭ Biełarusi nie było pasła Ukrainy.
Kijeŭski palitołah Michaił Bilecki źviartaje ŭvahu, što Ježal nikoli nie byŭ ani dypłamatam, ani palitykam, a ciaham svajoj karjery dobra vykonvaŭ zahady.
«U našym MZS, vidać, nie ličać biełaruski napramak važnym i ryzykoŭnym, nie ličać Biełaruś pryjarytetnym viektaram u zamiežnaj palitycy, tamu i pastavili ambasadaram vajskovaha čałavieka.Dla samoha Ježala heta jak hanarovaja vysyłka. Jon čałaviek niemałady, niachaj dabiraje reštu stažu i ciešyć svajo samalubstva».
Z pasady ministra abarony Ježala źniali paśla skandałaŭ z padziełam ziemlaŭ vajskovaha pryznačeńnia pad Kijevam i arhanizacyjaj charčavańnia vajskoŭcaŭ kamiercyjnaj firmaj biez tendera.
0
0
0
0
0
0
