Detektar kaśmičnych pramianioŭ na Mižnarodnaj kaśmičnaj stancyi ŭpieršyniu ŭ historyi vyjaviŭ ślady prysutnaści ciomnaj materyi.
Pra heta zajaŭlajuć navukoŭcy ź Jeŭrapiejskaha centra jadziernych daśledavańniaŭ CIERN u Ženievie, pieradaje VVS. Alfa-mahnitny śpiektromietr zafiksavaŭ płyń pazitronaŭ. Ich uźniknieńnie moža być źviazana ź isnavańniem dziŭnaha, raniej nieviadomaha navucy rečyva.
Tak zvanaja ciomnaja materyja — heta substancyja, jakaja nie puskaje elektramahnitnaje vypramieńvańnie i nie ŭzajemadziejničaje ź im, što robić niemahčymym jaje pramoje nazirańnie.
Vyjaŭleńnie pryrody ciomnaj materyi, kažuć navukoŭcy, dapamoža vyrašyć šmat jakija pytańni, jakija cikaviać fizikaŭ i astranomaŭ. Jak kaža kiraŭnik kamandy daśledčykaŭ, łaŭreat Nobieleŭskaj premii pa fizicy Semiueł Tynh, dakładny adkaz na pytańnie pra adkryćcio ciomnaj materyi budzie dadzieny na praciahu miesiaca.
Pra inšyja zahadki kosmasu čytajcie tut:
Ci moža čornaja dzirka prahłynuć Ziamlu.
