Učora stała viadoma, što albomy Belarus Press Photo 2011, kanfiskavanyja na PP «Kamienny łoh» 12.11.2012, chočuć pryznać ekstremisckimi.
Moža majecca na ŭvazie fota, zroblenaje Natallaj Abłažej?
Bo ŭ ekśpiertyzie ideołahi Hrodzienskaha abłvykankama i supracoŭniki Hrodzienskaha ŭniviersiteta śćviardžajuć, što ŭ albomach utrymlivajucca «naŭmysna skažonyja, nie adpaviednyja rečaisnaści vydumki pra žyćciadziejnaść Respubliki Biełaruś u palityčnaj, ekanamičnaj, sacyjalnaj i inšych śfierach, jakija prynižajuć nacyjanalny honar i hodnaść hramadzian Biełarusi. Padborka materyjałaŭ alboma ŭ sukupnaści adlustroŭvaje tolki niehatyŭnyja aśpiekty žyćciadziejnaści biełaruskaha naroda… źmianšaje aŭtarytet dziaržaŭnaj ułady, padryvaje davier da orhanaŭ ułady ŭ boku zamiežnych dziaržaŭ, zamiežnych abo mižnarodnych arhanizacyj».
