U Brasłavie prajšło śviata ramiostvaŭ.
Voś užo siomy raz u Brasłavie ładzicca štohadovy fest tradycyjnaje kultury – Śviata ramiostvaŭ.
Jak i zaŭždy, na placoŭcy la Domu ramiostvaŭ, śviata pačałosia sa zdabyčy žyvoha vahniu, za raźviadzieńniem jakoha pilna sačyli ŭsie prysutnyja. Kali vahoń byŭ zdabyty, brasłaŭcy j hości miesta mahli nazirać za pracaju tutejšych majstroŭ. Byli pakazanyja ramiostvy, adnoŭlenyja pa archealagičnych matarjałach, a hedaksama j tradycyjnyja narodnyja ramiostvy.
Tady ansambal «Viarba» ź vioski Dryviaty vykanaŭ abrad «Dažynki» i, jak słušna zaciemiła viadoŭca festu – «Našyja «Dažynki» atrymalisia nia horšyja za prezydenckija!»
Chto cikaviŭsia mastactvam, moh pahladzieć na vystavu tvoraŭ mastaka Mikoły Stasa, a kamu karcieła trapić u prakavietnyja časiny – moh zavitać u budynak muzeju – tamaka raźmiaščałasia ekspazycyja «Žyvaja archealogija».
Taksama na śviacie pravodziŭsia paviatovy konkurs sałomaplacieńnia «Žycień». I, viedama, śviata nie mahło abyjścisia biez staražytnaje kuchni: kažny moh pakaštavać smačnych blinoŭ ź miodam dy kašy iz škvarkami.
Dobraj tradycyjaj dla festu stała vystupleńnie hurta «Stary Olsa». Usie, chto žadaŭ, moh patańčyć, pryniać udzieł u hulniach i zabavach.
Spadziajusia, na nastupny hod śviata źbiare jašče bolš haścioŭ, a ŭ hetym hodzie fest atrymaŭsia prosta super!
