Čaćviora biełarusaŭ-budaŭnikoŭ asudžanyja ŭ Rasii za zabojstva kaleh 2

Prysud byŭ vyniesieny 28-hadovamu Siarhieju Łabzovu, 22-hadovamu Juryju Hankoviču, 41-hadovamu Alehu Čykmizavu i 32-hadovamu Alaksandru Afatnickamu.

Łabzovu i Hankoviču pryznačana pakarańnie ŭ vyhladzie 12 hadoŭ pazbaŭleńnia voli ŭ kałonii strohaha režymu, Čykmizavu — 8,5 hoda, Afatnickamu — 10 hadoŭ.

Ustanoŭlena, što hetyja ludzi pracavali ŭ adnoj bryhadzie na vytvorčaj bazie «Faustava» ŭ Vaskrasienskim rajonie Maskoŭskaj vobłaści.

9 lutaha 2012 hoda jany razam pili ŭ bytoŭcy. Adzin z mužčyn pierakuliŭ na padłohu rondal z pryhatavanaj ježaj. Svarka, jakaja pačałasia paśla hetaha, chutka pierarasła ŭ bojku, padčas jakoj raniej nieadnarazova sudzimyja Łabzoŭ i Hankovič spačatku źbili sabutelnika, a potym zadušyli jaho padručnym materyjałam. Pry hetym treci fihurant Čykmizaŭ, jaki bačyŭ zabojstva, nie tolki nie paviedamiŭ pra złačynstva ŭ pravaachoŭnyja orhany, ale i nieadnarazova pierachoŭvaŭ trup i dapamahaŭ jaho rasčlaniać.

U sakaviku 2012 hoda hetyja ludzi pracavali ŭžo na vytvorčaj bazie «Kuroŭski» u Arechava-Zujeŭskim rajonie.

Padčas čarhovaj svarki Afatnicki nanios kala dzieviaci kołata-rezanych ranieńniaŭ adnamu z svaich ziemlakoŭ, ad jakich toj pamior na miescy zdareńnia. Čykmizaŭ, kab prybrać śviedku hetaha złačynstva, nanios niekalki udaraŭ kuchonnym nažom jašče adnamu svajmu ziemlaku, jaki prysutničaŭ pry zabojstvie.

Pavodle BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH