Chrystafor Kalumb nia byŭ pieršym eŭrapiejcam, jaki kročyŭ na amerykanskuju ziamlu. Jaho apiaredziŭ venecyjanski kupiec Marka Poła. Da takoj vysnovy pryjšli amerykanskija historyki z... FBR, jakija ŭžo bolš za paŭstahodździa daśleduć peŭnuju staruju mapu.
Analizam mapy, jakuju ŭ padarunak atrymała biblijateka amerykanskaha Kanhresu, historyki zajmajucca z 1943 h. Na joj možna pabačyć plan častak Indyi, Kitaju, Japonii i … Paŭnočnaj Ameryki. Taksama na mapie jość emblema ŭ vyhladzie karabla, pad jakoj bačny skaročany podpis Marka Poła. Dakładny analiz mapy vyjaŭlaje šmat tajamnicaŭ. Paśla taho, jak historyki paśviacili na jaje infračyrvonymi promniami, jany zaŭvažyli, što mapa pakrytaja tryma płastami atramantu. Heta aznačaje, što jaje pierarablali i ŭdaskanalvali.
Kali aŭtaram mapy sapraŭdy jość Marka Poła, heta aznačaje, što venecyjanski kupiec apiaredziŭ Chrystafora na dva stahodździ. Isnuje teoryja, što kali padarožnik viarnuŭsia ŭ Venecyju z svajho doŭhaha padarožža pa Azii, jon upieršyniu ŭzhadvaŭ pra isnavańnie Paŭnočnaj Ameryki.
