Raniej pčalary mučylisia, ale dziakujučy sienataru Pieścisu adbudziecca inavacyja i madernizacyja.
Nacyjanalny centr intelektualnaj ułasnaści praciahvaje štohod rehistravać sotni patentaŭ.Biełaruskija navukoŭcy achoplivajuć samyja raznastajnyja haliny — ad sielskaj haspadarki da achovy zdaroŭja. Letaś u katałoh było dadziena 1423 vynachodnictvy. «NN» znajšła samyja cikavyja ź ich.
Vykopvajučy orhan ad rektara
Siarod bieźličy navukovych terminaŭ voka vychoplivaje vynachodnictva škła. Vikipiedyja kaža, što ŭ staražytnym Jehipcie škło vykarystoŭvali jašče piać tysiač hadoŭ tamu… A
dnak Ludmiła Papko, Ivan Lavicki i Hanna Halibarava (usie ź Biełaruskaha dziaržaŭnaha technałahičnaha ŭniviersiteta) vynajšli novaje lepšaje škło. Dla hetaha treba «dadatkova zvyš 100% dadać, prynamsi, adzin kampanient» z vaśmi varyjantaŭ. Aksid miedzi, albo aksid chromu, albo aksid marhancu i hetak dalej.
Aproč škła, biełaruskija navukoŭcy vynajšli i koła. Ale nie prostaje, a pavyšanaj prachodnaści. Dla hetaha zboku šynaŭ da dyska prymacoŭvajecca pa adnym kaničnym abadku.
Pobač u katałohu znachodzim inšyja cikavyja vynachodnictvy, naprykład, «vykopvajučy pracoŭny orhan bulbaŭboračnaj mašyny». Adzin ź jahonych aŭtaraŭ — novapryznačany rektar Biełaruskaha dziaržaŭnaha ahrarnaha techničnaha ŭniviersiteta (BDATU) Ivan Šyła.
Siamiejny kłopat pra pčoł
Nie curajucca racyjanalizatarstva i bolš vysokija pradstaŭniki ŭłady. Člen savieta respubliki i rektar Hrodzienskaha dziaržaŭnaha ahrarnaha ŭniviersiteta, zasnavalnik «Biełaj Rusi» Vitold Pieścis paŭdzielničaŭ u stvareńni kalaski dla pieravozki pčalinych vulloŭ sa śvietłasihnalnym abstalavańniem.Razam ź im vynachodnictvam zajmaŭsia i syn Pavieł. Jon, darečy, letaś spryčyniŭsia da vyrabu ramki pčalinaha vulla z dadatkovaj płankaj.
Taksama byŭ vynajdzieny i novy «sposab naniasieńnia mastackaj vyjavy».Kali vy spačatku nasucha pracirajecie pavierchniu, a ŭ jakaści klejavoha rastvoru źmiešvajecie klej PVA i akryłavy łak faktyčna ŭ lubych praporcyjach, viedajcie: heta nasamreč prydumała Taćciana Papova z kampanii «Best-Ost».
A ŭ Paleskim ahrarnaekanamičnym instytucie Akademii navuk hrupa z čatyroch ekśpierymientataraŭ farmulavała recept biezałkaholnaha źbitniu.Atrymałasia try varyjanty. U vynikovaj masie musić być 20% naturalnaha miodu, 77—78% vady, a rešta — karyca, šmatlikija travy, śviežyja ci zamarožanyja čarnicy… Vyhladaje smačna. Jak, zrešty, i bulbiany źbicień, recept jakoha vynajšli ŭ BDATU. Napoj atrymaŭsia ałkaholnym.
Parady dla zdarovaha cieła
U pazaletašnim ahladzie patentaŭ «NN» pisała pra Viktara Kunavina, jaki raspracoŭvaje fizičnyja praktykavańni. Što ž, ni hoda biez patentaŭ.Dla amataraŭ zdarovaha ładu žyćcia jon hatovy prapanavać novuju pozu. Spačatku stańcie na kaleni, nohi šyrej za taz, stupni vyviernicie vonki, abapirajučysia tylnymi pavierchniami vialikich palcaŭ ab padłohu, i apuścicie ruki ŭzdoŭž cieła. Ciapier pačynajem praktykavańnie: pavolna ŭdychnicie, nachilicie hałavu nazad, vypinajcie hrudzi ŭvierch, ruki i plečy ciahnicie ŭniz da dotyku kaleniaŭ. U takoj pozie treba krychu patrymacca, viarnucca ŭ pačatkovy stan i pačać praktykavańnie znoŭ.
Jahony kaleha pa navucy Uładzimir Šelemaŭ taksama maje ź dziasiatak patentaŭ. Niekalki hadoŭ tamu jon prydumaŭ šmatsłojnuju ściłku, a ciapier palepšyŭ žyćcio biełarusaŭ vynachodnictvam paduški.
Jaje apisańnie zajmaje dva radki — nabivać čachoł treba žytnim votrubjem. Padydzie taksama jačmiennaje dy aŭsianaje.
Na žal, statystyki nakont taho, kolki z vynachodnictvaŭ znajšli realnaje ŭvasableńnie, nie isnuje. Mnohija z patentaŭ zastajucca lažać na palicy i radujuć tolki svaich aŭtaraŭ.
Što treba dla atrymańnia patenta?
1) zajava na vydaču patenta;
2) apisańnie vynachodnictva, jakoje raskryvaje jaho z paŭnatoj, dastatkovaj dla ažyćciaŭleńnia;
3) formuła vynachodnictva, jakaja vyražaje jaho sutnaść i całkam zasnavanaja na apisańni;
4) čarciažy ci inšyja materyjały, kali jany nieabchodnyja dla razumieńnia sutnaści vynachodnictva;
5) refierat.
Što jašče vynajšli biełaruskija navukoŭcy?*
Źliŭny bačok
Dach
Paŭfabrykat miasny siečany
Transpartny śviatłafor
Čajnik
*nazvy patentaŭ, vydadzienych u 2012 hodzie
