Kodańskaja Božaja Maci.
Vyjava sv. Jazafata Kunceviča.
Minijaturnaja vyjava katalickaha śviatoha znojdzienaja na Hrodzienščynie.
Miedaljon znachodzicca ŭ dosyć kiepskim stanie, tamu nadpisy pračytać niemažliva. Adnak vyjavy dazvalajuć mierkavać, što na im mienavita śviaty Jazafat: baradaty mužčyna ŭ mitry ź biskupskim žazłom u adnoj ruce i aliŭkavaj halinkaj (simvałam pakutnictva) u druhoj.
Biskup Jazafat Kuncevič byŭ zabity ŭ Viciebsku ŭ 1623 h. apanientami na relihijnaj hlebie. Pa śmierci Kuncevič byŭ kananizavany, kult jahony pašyraŭsia. Adnak paśla skasavańnia Unii na terytoryi Rasiejskaj impieryi ŭ siaredzinie XIX st. usie jahonyja vyjavy mietadyčna źniščalisia: ciapier kožnaja ź ich ujaŭlaje saboj temu dla daśledavańnia.
Na druhim baku miedaljona tradycyjna vyjaŭlenaja Baharodzica, vielmi padobnaja da Kodańskaj Maci Božaj. Kodań – miastečka nad Buham (ciapier Polšča). Tam dziejničaŭ hreka-katalicki chram, pa jakim ciapier zachavałasia tolki brama. Sam ža cudatvorny abraz šanavaŭsia jak katalikami, tak i ŭnijatami.
Miedaljon, vierahodna, źjaŭlajecca “karanatkaj”, to bok simvaličnaj pamiatkaj ab karanacyi abraza (abraz Kodanskaj Baharodzicy byŭ karanavany ŭ 1723 h.).
Jak nam mpaviedamili ŭ Hrodzienskim muziei historyi relihii, u ich fondach pakul niama aryhinalnych vyjavaŭ sv. Jazafata, choć muziej i maje zału, pryśviečanuju Unii ŭ Biełarusi. Miedaljon pakul znachodzicca ŭ pryvataj kalekcyi, ale nieŭzabavie budzie pieradadzieny ŭ hreka-katalicki parafijalny centr u Hrodnie, jaki maje adkrycca ŭžo sioleta.