Aŭtarytarny lidar Turkmienii Hurbanhuły Bierdymuchamiedaŭ upaŭ z kania padčas skačak u honar nacyjanalnaha śviata — Dnia achałciekinskaha skakuna, paviedamlaje Bi-Bi-Si. Bierdymuchamiedaŭ vyjhraŭ zabieh, ale ŭžo paśla finišu jaho koń spatyknuŭsia, i jon nie ŭtrymaŭsia ŭ siadle.
Videa padzieńnia z kania prezidenta Turkmienii źjaviłasia ŭ internecie, niahledziačy na sproby ŭładaŭ krainy praduchilić źjaŭleńnia paviedamleńniaŭ pra heta ŭ presie.
Na videazapisie bačna, što prezident lažyć na ziamli, a zatym jaho viazie chutkaja dapamoha, ale praź niekatory čas jon źjaŭlajecca na cyrymonii ŭznaharodžańnia biez bačnych traŭmaŭ.
Ad žurnalistaŭ, jakija prysutničali na skačkach, patrabavali vydalić zapis incydentu. Miascovyja ŚMI paviedamili tolki pra toje, što prezident vyjhraŭ skački.
0
0
0
0
0
0
