U čaćvier vyznačylisia ŭdzielniki finalnaha matču futbolnaj Lihi Jeŭropy 2012/2013 — imi stali łondanski «Čełsi» i partuhalskaja «Bienfika».
U Łondanie letašni pieramožca Lihi čempijonaŭ «Čełsi» vyjhraŭ u šviejcarskaha «Bazela» ź likam 3:1. Tydzień tamu futbalisty «Čełsi» pieramahli ź likam 2:1.
Partuhalskaja «Bienfika» hulała ŭ Lisabonie z tureckim «Fienierbachče», jaki vybiŭ ź Lihi Jeŭropy barysaŭski BATE, i vyjhrała 3:1 (pieršy matč — 0:1).
Finał projdzie 15 maja ŭ Amsterdamie.
«Čełsi» dvojčy pieramahaŭ u Kubku ŭładalnikaŭ kubkaŭ UEFA: u 1971 h. i 1998 h.
«Bienfika» — słaŭny partuhalski kłub, 33-razovy čempijon krainy, u 1961—1962 hh. pad kiraŭnictvam vienhierskaha śpiecyjalista Bieły Hutmana, dvojčy vyjhraŭ Kubak jeŭrapiejskich čempijonaŭ. Na prapanovu zastacca ŭ kłubie — tady najmacniejšym kłubie Jeŭropy, jaki spyniŭ hiehiemoniju niepieramožnaha «Reała» — i vyjhrać jašče nie adzin jeŭrakubak,
Hutman skazaŭ: «Bolš kubkaŭ nie budzie». Z tych časoŭ «Bienfika» piać razoŭ hulała ŭ finałach Kubka čempijonaŭ i adnojčy ŭ finale Kubka UEFA, ale kožny raz ciarpieła parazy.
Jak budzie hetym razam?