Ryčard Brensan u kaściumie ściuardesy ŭ aeroporcie ŭ Siepanhie, Małajzija. Fota Bazuki Muhammad/Reuters.
Dla poŭnaha padabienstva biźniesmienu pahalili nohi. Fota Bill Hatto/Reuters.
Viadomy brytanski pradprymalnik Ryčard Brensan pieraapranuŭsia ŭ sukienku ściuardesy, prajhraŭšy sprečku, paviedamlaje Bi-Bi-Si.
U 2010 hodzie, kali jaho kamanda Virgin Racing (zaraz heta rasijskaja Marussia F1 Team) pravodziła svoj debiutny siezon u Formule-1, Brensan paspračaŭsia z Toni Fiernandesam, uładalnikam inšaha debiutantam — kamandy Lotus. Dva multymiljaniera, u kožnaha ź jakich jość svaja avijakampanija, damovilisia, što toj, čyja honačnaja «stajnia» pa vynikach siezonu apyniecca nižej u turnirnaj tablicy, pralacić rejs u samalocie supiernika ŭ sukiency ściuardesy.
Virgin Racing tady skončyła čempijanat na dźvie pazicyi nižej za Lotus, adnak Brensanu pryjšłosia adkłaści svoj pierfomans — u pačatku 2011 hoda jon złamaŭ nahu, katajučysia na łyžach.
Adnak zaraz epatažny biźniesmien vyrašyŭ, što nastaŭ čas raspłačvacca za projhryš.
Kvitki na ŭnikalny rejs byli raspradadzienyja na dabračynnym aŭkcyjonie.
