Akazvajecca, u Biełarusi taksama žyvuć «kalibry» — fotafakt 40

Kalibry ŭ Biełaaziorsku? Dasłaŭ čytač.

Kalibry ŭ Biełaaziorsku? Dasłaŭ čytač.

Chutkaha bražnika-chobatnika z bujnym tułavam i doŭhim chabatkom možna lohka zbłytać z kalibry, jakija žyvuć vyklučyna ŭ Amierycy. Fota ź Vikipiedyi.

Jazykan zvyčyjny. Fota ź Vikipiedyi.

Čytač «NN» Pavał paviedamiŭ u redakcyju pra niezvyčajnuju źjavu, jakuju jon naziraŭ u Biełaaziorsku. Pavodle jaho słovaŭ, jon nie tolki ŭbačyŭ sapraŭdnuju kalibry, jakaja siłkavałasia niektaram z kvietak, ale i zdoleŭ źniać jaje na fota.

Čytač Pavał nie pieršy, chto ŭ Biełarusi błytaje sapraŭdnuju kalibry z bražnikam-chobatnikam (ci jazykanam zvyčajnym). Naŭrad ci mnoha biełarusaŭ bačyli sapraŭdnuju kalibry ci chacia b jaje fatazdymki. A viedy pra kalibry zvyčajna abmiažoŭvajucca skupymi faktami: jana vielmi maleńkaja, z doŭhaj tonkaj dziubaj i charčujecca niektaram, pieralatajučy z kvietki na kvietku, nibyta pčała.

Adnak jazykan zvyčajny — heta zusim nie ptuška, a matyl. Jaho prymajuć za kalibry praz bujnoje tułava — jano dasiahaje 7 santymietraŭ z razmacham kryłaŭ u 5 — i «ptušyny» vyhlad kryłaŭ, choć u palocie ich razhladzieć ciažka — matyl robić niekalki socień uzmachaŭ kryłami ŭ siekundu. Doŭhi chabatok dla zboru niektaru padobny na dziubu kalibry, a adrostki na kancy bruška vielmi nahadvaje chvost. Na žal, detalova razhladzieć jazykana zvyčajnaha naŭrad ci ŭdasca: bražniki — rakardsmieny siarod matyloŭ, i jazykan moža pieralatać z kvietki na kvietku z chutkaściu 50 km/h. Samaja jaskravaje adroźnieńnie jazykana ad kalibry — masiŭnyja i doŭhija vusy-anteny, jakich u ptušak, zrazumieła, niama.

Bražnik-chobatnik — zvyčajny žychar Jeŭropy, Azii (až da uschodu Kitaja) i Paŭnočnaj Afryki. A kalibry žyvuć tolki ŭ Amierycy.

0

0

0

0

0

0

Kiryła Chilko

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH