Surjoznaja avaryja adbyłasia siońnia ŭ rajonie stancyi mietro «Aŭtazavodskaja». Lehkavy aŭtamabil zacisnuła pamiž MAZam i KaMAZam, paviedamlaje Tut.by.
Pa słovach vidavočcaŭ, KaMAZ z pryčepam spyniŭsia na śvietłafory, zzadu da jaho padjechaŭ aŭtamabil Citroen Xsara Picasso, u jaki na poŭnaj chutkaści ŭlacieŭ hruzavy MAZ. Lehkavy aŭtamabil litaralna zapchnuła pad pryčep KaMAZa.
Jak raspavioŭ AUTO.TUT.BY pamočnik načalnika Minskaha haradskoha ŭpraŭleńnia MNS Vital Demboŭski, na momant prybyćcia ŭ sałonie Citroen byli zabłakavanyja try čałavieki, kiroŭca MAZ taksama byŭ zacisnuty ŭ kabinie. Supracoŭniki MNS vyniali paciarpiełych — na žal, adna z pasažyrak zahinuła.
Ruch u rajonie avaryi
Paźniej u MNS raspaviali, što pra zdareńnie stała viadoma ad vidavočcaŭ: paviedamlali ab DTZ z udziełam dvuch hruzavych i adnaho lehkavoha aŭtamabilaŭ na skryžavańni pr. Partyzanski i vuł. Kabuškina.
Z sałona lehkavoha aŭtamabila ratavalniki debłakavali mužčynu 1979 hoda naradžeńnia i žančynu 1954 hoda naradžeńnia (z ranami roznaj stupieni ciažkaści abodva dastaŭleny ŭ BCHMD). Jašče adna pasažyrka — žančyna 1958 hoda naradžeńnia — zahinuła na miescy zdareńnia.
Videa Alaksandra Bykava.