Futbalisty «Dynama» Brest pratestavali suprać zatrymki zarobkaŭ 10

Aŭtar hoła Mikałaj Sihnievič

U matčy 10-ha tura siońnia bresckaje «Dynama» vyjhrała ŭ «Słavii» 1:0. Adnak uvahu pryciahnuła nie heta.

Padapiečnyja Uładzimira Kurnieva ŭ znak pratestu suprać zapazyčanaściaŭ pa zarpłacie na 10 chvilin zatrymali pačatak matču.

U hety čas zaŭziatary paru razoŭ praskandavali: «Sumar [hubiernatar vobłaści — NN], vychodź», paviedamlajuć čytačy NN.

Niekalki zaŭziataraŭ taksama zaleźli na dach.

Forvard «Dynama» Mikałaj Sihnievič, jaki zabiŭ siońnia hoł, prakamientavaŭ football.by rašeńnie hulcoŭ zatrymać pačatak pajadynku.

«Kiraŭnictva prasiła nas nie zatrymlivać hulniu, ale heta rašeńnie było pryniata daŭno ŭsioj kamandaj. My, z adnaho boku, razumiejem naša kiraŭnictva, adnak i jano pavinna nas razumieć. Čatyry miesiacy nie płacić zarpłatu — heta nienarmalna.

Tak, byli niejkija schody, ale kamanda ŭsio roŭna vyrašyła zatrymać hulniu.

Pryčym, heta ahulnaje mierkavańnie: i hulcoŭ, i trenierskaha štaba.

Tre' było zatrymać matč. Dumaju, paśla hetaha choć niejkija zruchi pačnucca, situacyja stanie lepšać, — skazaŭ Mikałaj Sihnievič.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH