Taksama niezadavolenaść u Minjuście vyklikaŭ statut «Viasny», bo «źmiaščaje nie kankretnyja mety i praduhledžvaje mahčymaść dadzienaha abjadnańnia dziejničać u dasiahnieńni inšych, nie ŭkazanych u statucie, metaŭ». Prykładna pa hetaj samaj pryčynie bolš za miesiac tamu było admoŭlena ŭ rehistracyi i mienskaj haradzkoj arhanizacyi «Maładoha frontu».
Vice‑prezydent Mižnarodnaj federacyi pravoŭ čałavieka Aleś Bialacki nastupnym čynam kamentuje rašeńnie Minjustu:
«Heta zaśviedčyła, što ŭłady nie hatovyja da dyjalohu i supracoŭnictva ź niezaležnym hramadztvam, z pravaabaroncami Biełarusi. Ichnyja arhumenty admović «Viaśnie» ŭ rehistracyi majuć dosyć dziŭny charaktar, jany mahli b być abskardžanyja ŭ lubym pravavym sudzie, ale ž my dobra viedajem, jak u nas sudziać. Razam z tym, skarhu ŭ Viarchoŭny sud padavać usio adno budziem. Chacia heta i budzie mieć čysta farmalny charaktar. Ciažka było spadziavacca na inšy vynik, kali ŭ krainie adbyvajucca sudy pa palityčnych pryčynach, kali za kratami znachodziacca Alaksandar kazulin i Źmicier Daškievič, kali va ŭsioj krainie adbyvajucca parušeńnie hramadzkich pravoŭ. U lubym vypadku, ja pierakanany, što «Viasna» znojdzie mahčymaść, kab nadalej praciahnuć svaju dziejnaść. Admova ŭ rehistracyi nia jość dramatyčnym momantam u historyi pravaabarončaha ruchu Biełarusi. Praca budzie praciahvacca».
Nahadajem, što pravaabarončaja arhanizacyja «Viasna» była likvidavanaja vosieńniu 2003 hodu. Z toha času arhanizacyja faktyčna pracuje ŭ padpolli. Za čas svajho isnavańnia «Viasna» dapamahła ŭžo tysiačam represavanych hramadzianaŭ.
