U Minsku zatrymany narkaman, jaki napadaŭ na piensijanierak na svaim rajonie

Supracoŭnikami pravaachoŭnych orhanaŭ zatrymany 31-hadovy mužčyna, jaki padazrajecca ŭ napadzie na piensijanierak z metaj rabavańnia.

Pieršy epizod zdaryŭsia ranicaj 3 červienia kala doma № 14 pa praśpiekcie haziety «Źviazda». Nieviadomy vyrvaŭ sumku z ruk 75-hadovaj žančyny. U joj było 280 tysiač rubloŭ i paśviedčańnie invalida.

Praz dva dni ŭžo kala doma № 10 pa hetym ža praśpiekcie znoŭ vyrvali sumačku. Hetym razam achviaraj stała 84-hadovaja piensijanierka. U sumačcy było 80 tysiač rubloŭ, klučy i dakumienty.

Žančyna nie razhubiłasia i stała kryčać. Prachožyja dapamahli vyklikać milicyju i pasprabavali dahnać nalotčyka.

Dahnać — nie dahnali, adnak zapomnili padjezd, dzie toj schavaŭsia. Tam jaho i zatrymali supracoŭniki kryminalnaha vyšuku i milicyjaniery patrulna-pastavoj słužby.

Jak raspavioŭ zatrymany, apošnija čatyry hady jon užyvaje narkotyki, dva hady nidzie nie pracuje. Raniej u jaho była kvatera ŭ hetym rajonie, jakuju jon z dapłataj abmianiaŭ na žyllo na Staŭbcoŭščynie.

Kali atrymanyja hrošy skončylisia, na elektryčcy staŭ naviedvacca ŭ Minsk. Z pracaj nie atrymlivałasia, tamu vyrašyŭ rabavać. Pažyłych žančyn u jakaści achviar vybiraŭ śviadoma. Raźličvaŭ, što tyja nie buduć akazvać supraciŭ i nie zmohuć jaho razhladzieć i zapomnić.

Pavodle guvd.gov.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH