BMV u centry Minska ŭrezaŭsia ŭ słup na chutkaści 150: mašynu razarvała nadvoje 22

Miarkujecca, kiroŭca na vielmi vysokaj chutkaści sprabavaŭ paźbiehnuć sutyknieńnia z hruzavikom, jaki zbočvaŭ na zapraŭku — na asfalcie majucca ślady juzu.

Kiroŭca BMV 525, ruchajučysia pa vulicy Śviardłova ŭ napramku vulicy Aranskaj, nie spraviŭsia z kiravańniem i ŭrezaŭsia ŭ słup. Ad udaru aŭtamabil razarvała na dźvie častki, 20-hadovy kiroŭca zahinuŭ na miescy DTZ.

Jak śćviardžajuć vidavočcy, kiroŭca BMW jechaŭ z chutkaściu kala 150 km/h.

Na miescy zdareńnia pracuje śledča-apieratyŭnaja hrupa.

Pradstaŭniki minskaj DAI nie raz na ŭsich uzroŭniach zajaŭlali pra toje, što žalezabietonnych apor uzdoŭž staličnych daroh nie pavinna być u pryncypie: takaja kanstrukcyja nie pakidaje kiroŭcu i pasažyram šancaŭ vyžyć navat pry najeździe na jaje na «haradskoj» chutkaści.

Słupy, ustanoŭlenyja na abočynach, nie adnojčy prapanoŭvali zamianić na «palehčanyja» kanstrukcyi ź niebiaśpiečnymi vosiami siačeńnia — pry ŭdary takaja apora «składajecca», hasiačy enierhiju ŭdaru i ratujučy žyćci.

Pakul haradskija ŭłady nie padtrymali inicyjatyvu DAI pa pryčynie vysokaha koštu zamieny ŭsich kanstrukcyj.

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH