«Usie daručeńni pavinny być piersanifikavany. Naprykład, Miaśnikovič adkazvaje za razhruzku składoŭ MAZa, Jakabson — za toje, Siamaška — za heta i hetak dalej. Nie zabudźciesia pry hetym MZS»,— cytuje kiraŭnika dziaržavy
«Uvieś čas słuchać abiacańni ad prem'
Pry hetym, pavodle jaho słoŭ, niedapuščalnyja falsifikacyi i prypiski, handal sabie ŭ stratu. «
Majcie na ŭvazie: u kancy hoda z vas zapytajuć za ekanomiku, tamu lubymi šlachami razhruzić składy, skinuć pradukcyju za kapiejki nie atrymajecca. Heta budzie ŭžo padobna da złačynstva.U pieršuju čarhu, pavinna być ekanomika, a potym realizacyja, abjomy i ŭsio inšaje. Ašukanstva i falsifikacyja niedapuščalnyja! Heta nikomu nie treba», — padkreśliŭ jon.
Łukašenka ŭ čarhovy raz źviarnuŭ uvahu prysutnych na toje, što da vieraśnia pavinien adbycca značny ryvok u razhruzcy składoŭ. «Treci kvartał — heta značnaje pavieličeńnie prodažu i druhi etap razhruzki składoŭ. Da 1 studzienia nastupnaha hoda vy vychodzicie na narmatyŭ», — padkreśliŭ kiraŭnik dziaržavy.
Jon ličyć, što ciapierašni momant dazvalaje zasiarodzić namahańni na jakaści pradukcyi. «Jakaść — pytańnie numar adzin! Kali hetaj jakaści niama — heta padobna da złačynstva!» — padkreśliŭ prezident.
Łukašenka zajaviŭ, što dziaržava stvaryła ŭmovy dla paśpiachovaj pracy ŭsich siektaraŭ ekanomiki, a tamu maje prava žorstka zapytać za vynik.«Siońnia što, pramysłoŭcy, budaŭniki spažyvajuć pryrodny haz, jak Hiermanija, pa 400 dołaraŭ za tysiaču kuboŭ? Nie. U dva razy, jak minimum, tańniej, — adznačyŭ biełaruski kiraŭnik. — Vy što, siońnia naftu pa suśvietnych cenach spažyvajecie? Za paŭcany. Heta ŭniosak dziaržavy. Vam dali dobryja ŭmovy, vy čaho jašče čakajecie? Skažycie, što treba vam, kab vy zaŭtra pačali pracavać u dva razy lepš, čym u Hiermanii ci choć by naroŭni z Hiermanijaj!»
«Vy siońnia ad dziaržavy atrymali toje, čaho nie maje ni Ukraina, ni Jeŭrapiejski sajuz, — skazaŭ kiraŭnik dziaržavy. — Pačynajcie pracavać. Usio ŭ vašych rukach — rukach kiraŭnikoŭ pradpryjemstvaŭ i ministraŭ».
Padvodziačy vynik naradzie, Łukašenka padkreśliŭ: «Leta — pieršy etap razhruzki składoŭ z ulikam vytvorčaści ŭ hety pieryjad.Druhi etap — kaniec treciaha kvartała. I vychad na narmalnyja narmatyvy na 1 studzienia 2014 hoda. Razhruzka składoŭ — heta nie značyć rassoŭvańnie fizičnych adzinak pa ŭsich kutkach! Hrošy pavinny za heta pastupić u krainu».
Jon nahadaŭ pra dadzienaje hod tamu daručeńnie staršyni praŭleńnia Nacbanka Nadziei Jermakovaj kantralavać pastupleńnie ŭ krainu hrašovych srodkaŭ ad ekspartu.
«Razam ź ministram ekanomiki i ministram finansaŭ zajmiciesia hetymi pytańniami. Padklučycie luboha z urada, chto vam patrebien», — daručyŭ Łukašenka.
Jon taksama źviarnuŭ uvahu na ekanomiku pradpryjemstvaŭ. «Ni mnie, ni vam prosta vyšturchoŭvańnie pradukcyi ź Biełarusi pa nikčemnych cenach nie treba», — papiaredziŭ jon.
Źviartajučysia da hubiernataraŭ i Minhandlu, Łukašenka zaklikaŭ ich vyrašyć pytańnie z napaŭnialnaściu mahazinaŭ krainy ajčynnaj pradukcyjaj.«U kožnym mahazinie pavinien lažać biełaruski pradukt: ad survetak da miasa i małaka. Bolš hutarak na hetu temu być nie moža! Kryj boža chtości z kantrolnych orhanaŭ zojdzie ŭ mahazin i tam nie budzie biełaruskaha — narakajcie sami na siabie», — papiaredziŭ jon.
«Mnie vielmi chaciełasia b, kab my praz čas nie mieli niepryjemnych sustreč z členami ŭrada i inšymi. Chaj heta budzie nie naradaj, a niejkim nahaniajem z boku prezidenta», — zaklučyŭ Łukašenka.
