Premjer Čechii sychodzić u adstaŭku paśla aryštu paplečnicy i pieratrusaŭ 4

Jana Nadźjova

Praz čatyry dni paśla pačatku niebyvałaj pa maštabach apieracyi češskaj palicyi i aryštaŭ vysokapastaŭlenych palitykaŭ i čynoŭnikaŭ, u tym liku kiraŭnicy aparata ŭrada, prem'jer-ministr Piotr Niečas abviaściŭ pra adstaŭku.

Kiraŭnik «Hramadzianskaj demakratyčnaj partyi» Piotr Niečas skazaŭ na pres-kanfierencyi ŭ niadzielu, što ŭ paniadziełak padaść u adstaŭku i z pasady premjera, i z pasady kiraŭnika partyi. Razam z premjeram aŭtamatyčna sydzie i ŭvieś urad, i kirujučaja kaalicyja, u jakuju ŭvachodziać jašče dźvie partyi, pasprabuje sfarmavać novy kabiniet.

U piatnicu prakuratura vystaviła bližejšaj paplečnicy Piatra Niečasa — kiraŭniku aparata ŭrada Janie Nadźjovaj — abvinavačvańni ŭ karupcyi i złoŭžyvańni ŭładaj.

Abvinavačvańni byli pradjaŭlenyja paśla rejdaŭ palicyi ŭ niekalki dziaržustanoŭ i ofisaŭ pryvatnych kampanij, padčas jakich było kanfiskavana kala 8 młn dalaraŭ, dziasiatki kiłahramaŭ zołata i dakumienty.

Śledstva śćviardžaje, što Nadźjova niezakonna padkupiła dvuch byłych členaŭ parłamienta, prapanavaŭšy im u abmien na miescy ŭ parłamiencie pasady ŭ dziaržaŭnych firmach.

Akramia taho, Nadźova abvinavačvajecca ŭ tym, što zahadała vajennaj raźviedcy sačyć za tryma ludźmi.

Adnym z hetych ludziej była žonka Piatra Niečasa, Radka Niečasava. Pierad samym aryštam Nadźjovaj Niečas abviaściŭ pra razvod z žonkaj.

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH