U Mahilovie padčas kupańnia ŭ Śviatym voziery 23 červienia patanuŭ piacihadovy chłopčyk z Bychaŭskaha rajona. Niaščaście adbyłosiaz-za niedahladu baćkoŭ.
Baćka i maci znachodziacca ŭ razvodzie, baćka žyvie ŭ Minsku. Kožnyja vychodnyja jon pryjazdžaje da dziaciej: u siamji jość jašče dziaŭčynka 1998 hoda naradžeńnia.
U niadzielu baćka ź dziećmi adpačyvali na Śviatym voziery ŭ Mahilovie. U niejki momant mužčyna adłučyŭsia da mašyny pa limanad. Starejšaja dziaŭčynka zastałasia na bierazie,
a małodšaje dzicia nieprykmietna dla inšych palezła ŭ vadu.
Kali baćka viarnuŭsia, jon pabačyŭ, što syna niama, i źviarnuŭsia da ratavalnikaŭ, nie viedajučy, što dzicia było ŭ vadzie. Pakul mužčyna i supracoŭnik milicyi na bierazie šukali małoha, adna z adpačyvalnic, zajšoŭšy ŭ voziera, natyknułasia na cieła chłopčyka.
Adpačyvalniki, vyratavalniki, a zatym miedyki sprabavali viarnuć chłopčyka da žyćcia, adnak čas užo było stračany.
0
0
0
0
0
0
