Načalnik hałoŭnaha ŭpraŭleńnia šmatbakovaj dypłamatyi Ministerstva zamiežnych spraŭ Biełarusi Juryj Ambrazievič pravioŭ kansultacyi z pradstaŭnikami Dziarždepartamienta ZŠA. Custreča adbyłasia 21 červienia ŭ Vašynhtonie.
Ambrazievič abmianiaŭsia z kiraŭnikami profilnych padraździaleńniaŭ Dziarždepartamienta ZŠA infarmacyjaj ab pryjarytetach bakoŭ na nastupnaj siesii Hienieralnaj asamblei AAN, aznajomiŭ ich ź inicyjatyvami Biełarusi ŭ mižnarodnym šmatbakovym supracoŭnictvie i prapanavaŭ amierykanskamu boku mahčymyja kirunki ŭzajemadziejańnia ŭ metach vyrašeńnia šerahu mižnarodnych prablem.
Byli taksama abmierkavany najaŭnyja pytańni pracy Biełarusi i ZŠA ŭ AAN i inšych mižnarodnych arhanizacyjach, dvuchbakovaha paradku dnia, jakija tyčacca intaresaŭ Biełarusi i ZŠA na šmatbakovych forumach.
Biełaruskija i amierykanskija dypłamaty "vykazali zacikaŭlenaść u praciahu dyjałohu ŭ metach lepšaha razumieńnia pazicyj bakoŭ", zaznačaje pres-słužba.
0
0
0
0
0
0
