U Biełarusi raspracoŭvajucca dva zakonaprajekty pa abaronie aŭtarskich pravoŭ u internecie

U Biełarusi raspracoŭvajucca dva zakonaprajekty pa abaronie aŭtarskich pravoŭ u internecie. Ab hetym na pres-kanfierencyi 25 červienia ŭ Minsku paviedamiŭ vykonvajučy abaviazki hienieralnaha dyrektara Nacyjanalnaha centra intelektualnaj ułasnaści, člen Kansultatyŭnaha kamiteta JEEK pa intelektualnaj ułasnaści ad Biełarusi Dzianis Niadviecki.

Pavodle jaho słoŭ, pieršy prajekt tyčycca źmianieńnia zakanadaŭstva ŭ halinie nataryjalnaj dziejnaści. «Źmianieńni hetaha zakanadaŭstva dazvolać uładalnikam aŭtarskich pravoŭ praściej zamacoŭvać fakt parušeńnia svaich pravoŭ i dakazvać hetyja parušeńni ŭ sudzie, patrabavać kampiensacyi», — paviedamiŭ jon.

Druhi zakonaprajekt uniasie dapaŭnieńni ŭ Kryminalny i Administracyjny kodeksy «z metaj uviadzieńnia bolš dakładnych farmulovak, što dazvolić bolš adekvatna kvalifikavać dziejańni ŭ internecie i dapamoža ŭzmacnić baraćbu z takimi faktami parušeńniaŭ», — skazaŭ Niadviecki.

Jak adznačyła člen Kansultatyŭnaha kamiteta ad Kazachstana Zaŭreš Bajmołdzina, hetaja prablema aktualnaja nie tolki dla krain Mytnaha sajuza. Jana abmiarkoŭvałasia sioleta ŭ Astanie na šostym ekanamičnym forumie. Adna siesija była pryśviečana baraćbie z parušeńniami aŭtarskich pravoŭ u internecie. U joj udzielničali pradstaŭniki šerahu mižnarodnych arhanizacyj, uklučajučy SAIU, rasijskija, centralna-azijackija arhanizacyi, pradstaŭnikoŭ Kitaja, ZŠA, ES i Interpoła. «My havaryli ab mietadach i sposabach baraćby z parušeńniami ŭ hetaj śfiery. Kaniešnie, prasačyć, chto źjaŭlajecca parušalnikam, davoli ciažka. Byli radykalnyja prapanovy z boku Rasii. Ale my z adnaho boku pavinny zabiaśpiečyć svabodu słova, a z druhoha — my pavinny zabiaśpiečyć abaronu pravoŭ intelektualnaj ułasnaści. Heta vielmi tonkaja miaža, tamu adzinaha ŭniviersalnaha mietadu jašče niama», — adznačyła člen kamisii. Pavodle jaje słoŭ, hetaja prablema budzie abmiarkoŭvacca i na nastupnym forumie ŭ Astanie.

Pavodle słoŭ člena Kansultatyŭnaha kamiteta ad Rasii Natalli Ramašovaj, «RF nadaje vialikuju ŭvahu ŭ hetaj śfiery. U internecie nie pavinny dziejničać zakony džunhlaŭ, kali možna ŭsio, zaŭsiody i ŭsiudy. Treba vykonvać zakony. Kali jość infarmacyja, jakaja zabaroniena da raspaŭsiudžvańnia ŭ Rasii, jana pavinna być zabaroniena i ŭ internecie. Kali jość pravy aŭtaraŭ, to jany pavinny vykonvacca pry vykarystańni tvoraŭ u internecie», — adznačyła jana.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH