Horad Druskininkaj (Druskieniki) moža stać miescam pryciahnieńnia studentaŭ ź Biełarusi. Siudy ich dypłomami ES źbirajecca spakušać Litoŭski univiersitet sportu (ŁUS) i Alituskaja kalehija (AK). Biełarusaŭ vielmi čakajuć u Druskienikach — bo jany buduć płacić za navučańnie.
Kancler ŁUS, hienieralny sakratar Litoŭskaj baskietbolnaj fiederacyi Mindaŭhas Balčunas śćviardžaje, što ŭ univiersiteta ŭžo jość filijał u Druskininkai.
«Adkryćcio i raźvićcio abumoŭlena i hieahrafična, bo pobač znachodziacca Polšča i Biełaruś. Biełarusaŭ u Druskininkai šmat. Pryjazdžali pradstaŭniki Biełaruskaj baskietbolnaj kanfiederacyi, ź imi damovilisia, što ŁUS u Druskininkai budzie rychtavać trenieraŭ pa baskietbole dla biełaruskaha rynku. Heta budzie mižnarodnaje navučańnie, mahistr treniera pa baskietbole Jeŭropy», — skazaŭ Balčunas.
Nieŭzabavie budzie abjaŭleny konkurs dla biełarusaŭ. Spačatku płanujecca pryniać 10 studentaŭ ź Biełarusi.Paźniej płanujecca pryciahnuć u filijał Łus i palakaŭ.
Buduć vučyć i anhlijskaj movie.
Takija idei vynošvaje i Alituskaja kalehija. Tut biełarusy mohuć pačać vučycca ŭžo sioleta.
«Biełaruś choča, kab my arhanizavali navučańnie, kab jany mahli, pracujučy ŭ Biełarusi, pa vychadnych pryjazdžać u Druskininkaj i vučycca pa čatyrochhadovaj prahramie.Ale my pakul tolki ŭsie ŭzhadniajem, chočam sustrecca ź biełaruskaj moładździu, pačuć ich pažadańni», — skazała dyrektar Alituskaj kalehii Danuta Remiejkienie.
Pavodle jaje słoŭ, u AK ŭžo jość zamiežnyja studenty, i budzie dobra, kali da ich dałučacca biełarusy.
«My nie zasnoŭvajem u Druskininkai filijał, havorka tolki pra adździaleńnie, na jakim možna budzie navučacca ŭ hetym horadzie. Tut vykładalisia b tolki tyja pradmiety, jakija patrabujuć kampjutaraŭ i prahramnaha abstalavańnia. Astatnija pradmiety vykładali b u łabaratoryjach Alituskaj kalehii», — skazała kiraŭnik AK.
AK prapanuje biełarusam technałahičnyja i inžyniernyja prahramy.