Fiederer taksama pakidaje Uimbłdon, prajhraŭšy 116-j rakietcy śvietu

Dziejučy čempijon «Uimbłdona» Rodžer Fiederer (3) sastupiŭ u druhim kole sioletniaha turniru ŭkraincu Siarhieju Stachoŭskamu ź likam 7:6, 6:7, 5:7, 6:7.

Fiederer vybyŭ z turniru «Vialikaha šlema» raniej čverćfinału upieršyniu bolš čym za dzieviać hadoŭ — apošni raz takoje zdarałasia sa šviejcarcam na «Rałan Haros» -2004, kali jon u trecim raŭndzie sastupiŭ Hustavu Kuertenu.

Da siońniašniaha dnia ŭ aktyvie 31-hadovaha Fiederera była sieryja z 36-cimejdžar-čverćfinałaŭ.

Akramia taho, 17-razovy čempijon turniraŭ «Vialikaha šlema» paciarpieŭ parazu ad hulca, jaki nie ŭvachodzić u Top-100, upieršyniu z viasny-2005, kali ŭ Monte-Karła prajhraŭ Ryšaru Haskie, jaki zajmaŭ tady 101-je miesca rejtynhu ATR, paviedamlaje sports.ru

27-hadovy Stachoŭski — uładalnik čatyroch tytułaŭ ATR i eks-31-ja rakietka śvietu — na hetym tydni zajmaje 116-je miesca suśvietnaj kłasifikacyi.

Nahadajem, što ispaniec Rafael Nadal — pieramožca «Rałan Haros» — vybyŭ u pieršym kole Uimbłdona (pryčym siońnia jaho kryŭdziciel Styŭ Darsis źniaŭsia z turniru).

Pakinuli turnir taksama Maryja Šarapava (prajhrała siońnia Mičeł Łarčer de Brytu z Partuhalii — 3:6, 4:6) i Viktoryja Azaranka (biełaruska źniałasia pierad matčam 2-ha koła).

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH