Jak paviedamiŭ BiełaPAN supracoŭnik adździeła infarmacyi i hramadskich suviaziej UUS Homielskaha abłvykankama Juryj Pilkievič, va ŭpraŭleńnie ŭłasnaj biaśpieki (UUB) źviarnuŭsia žychar Kalinkavičaŭ sa skarhaj na supracoŭnikaŭ Kalinkavickaj DAI, jakija niezakonna skłali ŭ dačynieńni da jaho administracyjny pratakoł i, akramia hetaha, źbili.
U chodzie pravierki było ŭstanoŭlena, što supracoŭniki DPS viečaram nieśli słužbu na adnoj z vulic rajonnaha centra. U hety čas imi byŭ zaŭvažany hramadzianin ź jaŭnymi prykmietami ałkaholnaha apjanieńnia, jaki chaatyčna pieramiaščaŭsia pa prajeznaj častcy bieź śviatłoadbivalnych elemientaŭ. Na zroblenuju jamu zaŭvahu mužčyna ŭvahi nie źviarnuŭ i da taho ž staŭ źnievažalna vykazvacca ŭ adras supracoŭnikaŭ milicyi. Było pryniata rašeńnie advieźci mužčynu ŭ rajonnuju balnicu dla pravierki fizičnaha stanu. U jaho byŭ vyjaŭleny ŭzrovień utrymańnia ałkaholu ŭ vydychanym pavietry, jaki ŭ šmat razoŭ pieravyšaŭ dapuščalnuju normu. Paśla hetaha hramadzianin byŭ dastaŭleny ŭ adździeł DAI, dzie ŭ dačynieńni da jaho skłali administracyjny pratakoł za parušeńnie PDR.
Paźniej u svajoj zajavie žychar Kalinkavičaŭ ukazaŭ, što, prachodziŭ na nastupny dzień paśla incydentu ahlad u sudmiedekśpierta, u jaho na hrudziach i na nazie byli zafiksavany hiematomy, a ŭ chodzie renthienaskapii byŭ vyjaŭleny pierałom rabra. Usio heta, pa jaho śćviardžeńni, dniom raniej jamu pryčyniŭ supracoŭnik DAI.
U suviazi z hetym byŭ praviedzieny paŭtorny ahlad, ź jakoha, zhodna z zaklučeńniem ekśpierta, vynikała, što na momant pieršasnaha ahladu ŭ jaho sapraŭdy byli vyjaŭleny paškodžańni, adnak naniesieny jany byli za
Apytany ŭ chodzie słužbovaj pravierki žychar Kalinkavičaŭ supiarečnaści pamiž svaimi tłumačeńniami, źmiestam akta ahladu i zaklučeńnia ekśpierta rastłumačyć tak i nie zmoh. Pa vynikach słužbovaj pravierki dziejańni supracoŭnikaŭ milicyi byli pryznany pravamiernymi, a źviestki, ukazanyja zajaŭnikam, — nie paćvierdžanymi.
