Źjaŭleńnie narodnaj artystki SSSR Edzity Pjechi na kancercie adkryćcia XXII Mižnarodnaha fiestyvalu mastactvaŭ «Słavianski bazar u Viciebsku» było pad pahrozaj zryvu — dniom śpiavačka padkruciła nahu i pavaliłasia.
Adnak, niahledziačy na traŭmu, jana źjaviłasia na cyrymonii ŭručeńnia joj śpiecyjalnaj uznaharody prezidenta Biełarusi «Praz mastactva — da miru i ŭzajemarazumieńnia». Alaksandr Łukašenka, jaki ŭručaŭ lehiendarnaj artystcy hetuju ŭznaharodu, znajšoŭ u jaje traŭmie «vielizarny simvał».
«Toje, što vy padviarnuli nahu, u hetym vielizarny znak. Usio možna zabycca. Kvietak vam daryli mora, akijan. Uznaharody ŭ vas jość. Choć takoj, napeŭna, niama?
Ale toje, što vy, idučy na hetuju cyrymoniju ŭznaharodžańnia, padviarnuli, heta zaŭsiody budzie pamiatacca»,— skazaŭ Alaksandr Łukašenka, uručajučy Edzicie Pjecie bukiet biełych ruž, statuetku i dypłom łaŭreata śpiecyjalnaj uznaharody prezidenta Biełarusi «Praz mastactva — da miru i ŭzajemarazumieńnia».
Edzita Stanisłavaŭna padziakavała i pahadziłasia, što takoj uznaharody ŭ jaje jašče niama. Było prykmietna, što śpiavačka vielmi rasčulenaja.Jana pryznałasia biełaruskamu lidaru i publicy: «Ja tak chvalavałasia, što, nie dachodziačy da Letniaha amfiteatra, padkruciła nahu. Pryjšła da vas „kulhajučaj“. Ale heta ŭsio — chvalavańnie: nie kožny dzień prezident uručaje ŭznaharodu i nie kožny dzień całuješsia z prezidentam».
U svaju čarhu Alaksandr Łukašenka paśpiašaŭsia supakoić artystku i prapanavaŭ joj dapamohu: «Vy nie chvalujciesia: u nas u Biełarusi i pierałomy lačyli artystam. Vy možacie być spakojnyja za svajo zdaroŭje.
Ja paprašu hubiernatara, jonurač-chirurh [staršynia Viciebskaha abłvykankama, doktar miedycynskich navuk, prafiesar, zasłužany dziejač navuki Respubliki Biełaruś Alaksandr Kosiniec], jon abśleduje vas siońnia i vylečyć vas da ranicy, i vy budziecie bieź śpiecyjalnaha supravadžeńnia».
Edzita Pjecha padkruciła nahu pa darozie ŭ mižnarodny
Za niekalki hadzin da niepryjemnaha incydentu ŭ Viciebsku ŭračysta adkryli imiannuju plitu Edzity Pjechi na Alei łaŭreataŭ śpiecyjalnaj uznaharody prezidenta Biełarusi «Praz mastactva — da miru i ŭzajemarazumieńnia».
