Vystava histaryčnych partretaŭ pačniecca siońnia ŭ 18.30 na Ŭpravie BNF (vuł.Varvašeni, 8, ciapier Mašerava, 8). Na adkryćci vystupić Uładzimier Arłoŭ. Na vystavie buduć pradstaŭlenyja pracy Źmitra Šapavałava i Valancina i Laili Varecaŭ.
Na pałotniščach adlustravanyja viadomyja histaryčnyja postaci, takija jak Eŭfrasińnia Połackaja, Barbara Radzivił, Tadevuš Kaściuška, Mikoła Husoŭski i inš. Na vystavie buduć pradstaŭleny 10 hrafičnych prac i kala 30 litahrafij.
U imprezie voźmuć udzieł historyki Ŭładzimier Arłoŭ, Valancin Hołubieŭ, hurt Rokaš i inšyja.
Hruntoŭnaja praca była vykananaja mužam i žonkaj Valancinam i Lailaj Varecami. Jana była zadumana i stvorana na nacyjanalnym uzdymie ŭ pieršyja hady adnoŭlenaj niezaležnaści. Mastaki i ich kalehi praviali daśledčuju pracu pa vyjavach histaryčnych dziejačaŭ Biełarusi, dla kožnaj asoby byŭ vybrany najbolš vierahodny źniešni vyhlad. Mnohija partrety śpisvalisia z aryhinalnych pažyćciovych vyjavaŭ vybitnych ludziej Biełarusi. Fon litahrafijaŭ taksama admysłova padabrany — u zaležnaści ad žyćciovaha šlachu, dziejnaści asoby.
Na mnohich litahrafijach adlustravany vyjavy rodavych i ŭłasnych piačatak, hierbaŭ haradoŭ, ź jakimi źviazany los hierojaŭ litahrafijaŭ. Pavodle litahrafijaŭ byli składzienyja dva albomy repradukcyjaŭ — tematyčnyja zborniki «Histaryčnyja asoby Biełarusi» i «Kulturnyja dziejačy Biełarusi». U kožnym albomie pakazanyja pa 20 asobaŭ, jakija akazali ŭpłyŭ na palityčnaje ci kulturnaje raźvićcio Biełarusi. Na kožnym arkušy i na vokładcy źmieščana karotkaja infarmacyja pra dziejačaŭ. Na vokładcy taksama padadziena recenzija Janki Zaprudnika na pracu mastakoŭ.
Na vystavie možna budzie nia tolki pahladzieć pracy Valancina i Laili Varecaŭ, ale i prydbać litahrafii ci albomy.
Daviedki pa t.: (029) 668-58-21.
