Makiej siońnia pieršy raz u Bruseli 5

Uładzimir Makiej — asnoŭny surazmoŭca na zachodnim kirunku. Fota Tut.by.

Sustreča kiraŭnikoŭ zamiežnapalityčnych viedamstvaŭ krain Uschodniaha partniorstva pačniecca ŭ Bruseli ŭ 17.00 pa miascovym časie (18.00 — pa Minsku), paviedamlaje pres-słužba Rady ES. Joj budzie papiaredničać pasiadžeńnie Rady ministraŭ zamiežnych spraŭ Jeŭrasajuza.

Ministry zamiežnych spraŭ krain — udzielnic Uschodniaha partniorstva abmiarkujuć biahučuju situacyju ŭ svaich dziaržavach, a taksama padrychtoŭku da samitu UP, jaki projdzie 28–29 listapada ŭ Vilni.

Biełaruski ministr Uładzimir Makiej udzielničaje ŭ sustrečy pa zaprašeńni viarchoŭnaha pradstaŭnika ES pa zamiežnych spravach i palitycy biaśpieki Ketryn Eštan i jeŭrakamisara pa pytańniach pašyreńnia i Jeŭrapiejskaj palityki susiedstva Štefana Fiule.

Heta pieršaja pajezdka Makieja ŭ Jeŭropu paśla prezidenckich vybaraŭ 2010 hoda.

U studzieni 2011-ha jon u liku inšych vysokapastaŭlenych biełaruskich čynoŭnikaŭ byŭ zaniesieny ŭ čorny śpis ES jak asoba, datyčnaja da žorstkaha razhonu akcyi pratestu 19 śniežnia i nastupnym pieraśledam aktyvistaŭ apazicyi. Na toj momant Makiej uznačalvaŭ Administracyju prezidenta.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH