Na sustrečy ministraŭ zamiežnych spraŭ krain Jeŭrasajuza i Uschodniaha partniorstva ŭ Bruseli biełaruski bok vystupiŭ za admienu sankcyj ES, paviedamiŭ kiraŭnik MZS Biełarusi Uładzimir Makiej u intervju vuzkamu kołu pradstaŭnikoŭ dziaržaŭnych ŚMI.
«My miarkujem, što adnosiny da ŭsich krain Uschodniaha partniorstva pavinny ažyćciaŭlacca na raŭnapraŭnaj, niedyskryminacyjnaj asnovie. My vyrazna zajavili pra toje, što sankcyi, jakija zaraz isnujuć z boku Jeŭrasajuza ŭ dačynieńni da Biełarusi, pavinny być admienieny, bo jany škodziać našym stasunkam i nie iduć na karyść ni Biełarusi, ni Jeŭrapiejskamu sajuzu», — zajaviŭ Makiej, frahmienty intervju jakoha byli pakazany pa biełaruskich telekanałach.
«My jasna artykulavali toje, što mienavita dyjałoh, raŭnapraŭny i paŭnavartasny, pavinien być srodkam vyrašeńnia ŭsich isnych prablem», — skazaŭ ministr.
Makiej zaznačyŭ, što Biełaruś źjaŭlajecca dla Jeŭrapiejskaha sajuza vielmi važnym partnioram. «My zabiaśpiečvajem bieśpierabojny tranzit vuhlevadarodaŭ u Jeŭropu, my zabiaśpiečvajem bieśpierabojny tranzit hruzaŭ, my zmahajemsia z tranśmiežavaj złačynnaściu, my zmahajemsia z handlem ludźmi na našych miežach, my zmahajemsia ź mižnarodnym narkahandlem i
«Dla nas, viadoma, kryšku dziŭna, što šerah prapanoŭ pa hetych i inšych kirunkach znachodziacca na stale ŭ Jeŭrapiejskaha sajuza i nie atrymlivajuć naležnaj reakcyi, u tym liku i ŭ miežach prahramy „Uschodniaje partniorstva“, — skazaŭ jon. — Taja ideja intehracyi intehracyj, ź jakoj vystupiŭ naš prezident niejki čas tamu i jakaja praduhledžvaje bolš ciesnaje supracoŭnictva pamiž Jeŭrapiejskim sajuzam i budučym Jeŭrazijskim ekanamičnym sazam, u pierśpiektyvie budzie adnaznačna zapatrabavanaja».
Asnoŭnym pytańniem sustrečy kiraŭnikoŭ MZS krain ES i UP była padrychtoŭka da listapadaŭskaha samitu Uschodniaha partniorstva ŭ Vilni.
