Takija źviestki pryviało pradstaŭnictva karparacyi "Misrosoft" u Biełarusi i Ukrainie.
Dynamika rostu hetaha siehmientu rynku ŭ našaj krainie składaje kala 25—30 pracentaŭ na hod.
Za 2007 finansavy hod ahulny abjom biznesu "Misrosoft" u našaj krainie pavialičyŭsia na 218 pracentaŭ. Asnovu biznesu "Misrosoft" u Biełarusi składaje prodaž prahramnaha zabieśpiačeńnia. Admietna, što karparacyi ŭdałosia dasiahnuć značnych pośpiechaŭ, niahledziačy na daminavańnie "pirackaj pradukcyi" na ajčynnym rynku.
Pa niekatorych padlikach, dola kantrafaktu ŭ hetym siehmiencie biełaruskaha rynku dasiahaje 90 pracentaŭ. Tym nie mienš, pradstaŭnikoŭ karparacyi "piraty" nie biantežać. Na dumku hienieralnaha dyrektara "Misrosoft" u Biełarusi i Ukrainie Valeryja Łanavienki, "paśpiachovaja baraćba z parušeńniami pravoŭ intelektualnaj ułasnaści — usiaho tolki pytańnie raźvićcia ŭ Biełarusi adpaviednaha zakanadaŭstva i infrastruktury".