Alaksandr Łukašenka paprakaje dziaržorhany ŭ bieśsistemnym charaktary baraćby z karupcyjaj i ekanamičnymi złačynstvami. Ab hetym kiraŭnik dziaržavy zajaviŭ siońnia na naradzie pa pytańniu efiektyŭnaści baraćby z karupcyjaj i ekanamičnymi złačynstvami.
«Treba pryznać, što jašče nie ŭsio nieabchodnaje zroblena dla praduchileńnia karupcyi i pravaparušeńniaŭ u ekanamičnaj śfiery. Rabota ŭpaŭnavažanych dziaržaŭnych orhanaŭ časta maje bieśsistemny charaktar i abmiažoŭvajecca vyjaŭleńniem małaznačnych złačynstvaŭ. Pasiŭnaść prajaŭlajuć i miascovyja orhany ŭłady», — adznačyŭ jon.
Alaksandr Łukašenka padkreśliŭ, što ŭ krainie dziejničaje antykarupcyjnaje zakanadaŭstva, jakoje adpaviadaje mižnarodnym standartam, i na siońnia niama nieabchodnaści jaho refarmavać.Jon miarkuje, što dziaržava maje prava čakać bolšaha efiektu ad raboty śpiecsłužbaŭ i padraździaleńniaŭ, jakija pavinny spyniać karupcyjnyja prajavy i ekanamičnyja złačynstvy, pakolki zatračvaje značnyja srodki na ŭtrymańnie hetych struktur.
Kali ŭ vas niama ŭnutranaj pierakananaści, što heta strašnaja zaraza dla dziaržavy i jaje treba nieadkładna vykaraniać pa ŭsich napramkach, my nikoli karupcyju nie pieramožam».«Vidavočna, što asnoŭnymi pryčynami takoj situacyi stali samazaspakojenaść i iniertnaść šeraha načalnikaŭ padraździaleńniaŭ pravaachoŭnych i kantralujučych orhanaŭ, — zajaviŭ Łukašenka — Vinavaty nie strełačniki, a tyja, chto siadzić za hetym stałom.
«Chaču, kab vy zrazumieli: ja nie pabajusia luboha rašučaha kroku i dziejańnia, u tym liku kali heta budzie datyčycca samych vysokich słužbovych asob», — padkreśliŭ jon, papiaredziŭšy ŭsich prysutnych na naradzie kiraŭnikoŭ viedamstvaŭ ab piersanalnaj adkaznaści za stan spraŭ u śfiery spynieńnia karupcyi i ekanamičnych złačynstvaŭ. «Padkreślivaju: nie pavinna być nijakaj kampaniejščyny. Heta pastajannaja, metanakiravanaja, štodzionnaja rabota», — skazaŭ Łukašenka.
Alaksandr Łukašenka patrabuje ad Hienieralnaj prakuratury, kab jana na spravie stała kaardynataram raboty ŭsich pravaachoŭnych viedamstvaŭ u pytańniach baraćby sa złačynnaściu i arhanizacyjaj procidziejańnia karupcyi.
«Čas cokać abcasami skončyŭsia. Patrebna rašučaja baraćba z hetym złom, — skazaŭ jon. — Pakul ja ad Hienprakuratury hetaha nie baču».
«Realnaja baraćba z najbolš ciažkimi formami karupcyi i ekanamičnych złačynstvaŭ, jakija nanosiać značny materyjalny ŭron, a taksama škodu pravam i zakonnym intaresam hramadzian, nie pavinna padmianiacca pahoniaj za kolkasnymi pakazčykami pa vyjaŭleńniu i spynieńniu mienš niebiaśpiečnych parušeńniaŭ», — padkreśliŭ jon.
Alaksandr Łukašenka sa škadavańniem kanstatavaŭ, što siarod pravaachoŭnych orhanaŭ adsutničaje naležnaje ŭzajemadziejańnie pa mnohich pytańniach. «Naściarožvaje i toje, što prakurorami nie pryniata realnych mier pa ŭstaranieńniu isnujučych faktaŭ niekanstruktyŭnaj sumiesnaj raboty apieratyŭnych słužbaŭ i śledčych padraździaleńniaŭ u pytańniach acenki sabranych dokazaŭ pa ekanamičnych złačynstvach. Mienavita heta časam słužyć pryčynaj niesvoječasovaha zaviadzieńnia abo nieabhruntavanaha spynieńnia kryminalnych spraŭ», — skazaŭ kiraŭnik dziaržavy.
Jon taksama adznačyŭ, što z boku prakuratury efiektyŭnaja kaardynacyja sumiesnaj raboty padmianiajecca papieratvorčaściu i abmierkavańniem statystyčnych danych. «Vy mnie abiacali pałažyć kaniec hetaj pisaninie i papieratvorčaści», — skazaŭ Łukašenka, źviartajučysia da hienieralnaha prakurora Alaksandra Kaniuka.
Alaksandr Łukašenka źviarnuŭ uvahu na asablivuju značnaść pytańniaŭ efiektyŭnaj baraćby z karupcyjaj i ekanamičnymi złačynstvami.«Z majho punktu hledžańnia, heta važniejšyja pahrozy dla našaj dziaržavy. Ničoha bolš strašnaha dla nas siońnia niama jašče i tamu, što ź inšymi pahrozami my spraŭlajemsia, i, možna skazać, paśpiachova», — skazaŭ kiraŭnik dziaržavy.
U toj ža čas Łukašenka adznačyŭ i peŭnyja stanoŭčyja zruchi, jakich dabilisia ŭ vyniku vypracoŭki sistemy mier pa vykaranieńniu procipraŭnych źjaŭ va ŭsich formach i prajavach, analizie dziejnaści adpaviednych dziaržaŭnych struktur pa hetych napramkach. «Na praciahu troch apošnich hadoŭ kolkaść karupcyjnych i ekanamičnych złačynstvaŭ u krainie skaračajecca, — skazaŭ kiraŭnik dziaržavy. — Jak da nas ni stavilisia b u Zachodniaj Jeŭropie, Amierycy, inšych krainach, usie adnaznačna pryznajuć, što ŭ Biełarusi ŭłada starajecca pastavić zasłon lubym karupcyjnym złačynstvam. Niedatykalnych u krainie niama. Heta acenki z boku rasijan, ukraincaŭ, palakaŭ, inšych, nie tolki susiedziaŭ našaj dziaržavy». Palepšyŭsia i mižnarodny imidž Biełarusi pa hetych pazicyjach. «Heta ŭ cełym paćviardžaje dziejsnaść prymajemych na dziaržaŭnym uzroŭni mier, asabliva prafiłaktyčnych. Tym nie mienš aktualnaść antykarupcyjnaj temy nie źnižajecca. Jana patrabuje pastajannaj uvahi i sistemnaj raboty jak pravachoŭnych orhanaŭ, tak i ŭsiaho hramadstva», — padkreśliŭ Alaksandr Łukašenka.
