Ministerstva finansaŭ prapanoŭvaje pavialičyć u 2014 hodzie šerah zboraŭ za konsulskija dziejańni biełaruskich dyppradstaŭnictvaŭ za miažoj.
U prajekcie źmianieńniaŭ i dapaŭnieńniaŭ u Padatkovy kodeks zbor za razhlad zajavy ab vychadzie z hramadzianstva Respubliki Biełaruś pavialičany sa 175 da 250 jeŭra, vydaču (abmien) pašparta hramadzianina Biełarusi dla pastajannaha pražyvańnia za miežami krainy — z 20 da 40 jeŭra, abmien pašparta hramadzianina Biełarusi, jaki pražyvaje na jaje terytoryi, — z 60 da 100 jeŭra.
Staŭka zboru za adnarazovaje pradaŭžeńnie terminu dziejańnia pašparta hramadzianinu Biełarusi, jaki časova vyjechaŭ z krainy, moža być pavyšana z 10 da 20 jeŭra, pry hetym słovy «adnarazovaje pradaŭžeńnie» prapanoŭvajecca zamianić na «razhlad zajavy ab adnarazovym pradaŭžeńni».
Akramia taho, Minfin inicyjuje pavieličeńnie zboraŭ za ažyćciaŭleńnie šerahu nataryjalnych dziejańniaŭ dyppradstaŭnictvami.
