U tureckaj kurortnaj pravincyi Antalja ŭ piatnicu ŭ avaryju trapiŭ aŭtobus z turystami ź Biełarusi j Rasiei, paciarpieli 11 čałaviek, zahinuŭ hid, hramadzianin Ukrainy, paviedamiŭ RIA «Novosti» vice‑konsuł hienkonsulstva RF u Antalji Siarhiej Karycki.
Avaryja zdaryłasia, kali aŭtobus jechaŭ z kurortnaha pasielišča Belek u aeraport. Na adnym z skryžavańniaŭ, pavodle papiaredniaj infarmacyi, aŭtobus sutyknuŭsia z mašynaj, jakaja prajechała na čyrvonaje śviatło.
Pavodle papiaredniaj infarmacyi, u aŭtobusie znachodiźlisia piać hramadzian Biełarusi j šeść — Rasiei. Viadziecca raśśledavańnie incydentu.